西站餃子

营业中

休息中

上次lunch time经过一位难求，是日下午过黎试下佢先，一向钟意食饺子嘛。是日学校放假，加上下午三点，食客得两枱即刻有位。墙上餐牌已经无做，改左呢张全日套餐。点左G餐饺子4只 + 香蒜醋捞面，面先到，听到厨房煎紧饺子嘅滋滋声🤤酱汁有麻辣汁同香蒜黑醋汁，店家强烈建议只选一款酱，加上两样会无咁好食，咁就加麻辣先🌶️麻麻辣辣加上面条有咬口又真系几正㖞。店家见我想试埋个黑醋汁，就畀咗一啖迷你鸡肉饭我试下，呢个落咗黑醋去捞，酸酸地带蒜香都好好味，个鸡肉本身系沙爹酱炒㗎，两个味捞埋一齐都好夹🤤主角饺子登场，拣咗双拼口味🌽粟米鸡肉饺 + 🥟韮菜猪肉饺，仲可以拣蒸啦，就咁煎或者加鸡蛋煎，饺子皮薄馅料多，味道唔错，两款口味都试咗点麻辣酱或黑醋汁，个酱汁真心正🤤跟餐可跟例汤或者纸包饮品，蛋花瓜汤几清甜，无油无味精👍虽然个名叫西站饺子，但饺子款式其实唔多。胜在套餐选择多，可跟饭跟面跟烧饼，甚至乎连生菜包都有😆加上店家好好人，我见隔离台两位食客叫咗单拼饺子，佢哋就送多款另一口味饺子畀佢哋试下，好有人情味嘅小店。