影片
更多
2023-12-24
48 浏览
人到中年至钟意话当年同几个一齐做嘢十几年嘅同事讲起当年大家初出茅庐𠮶阵成日去长沙湾打边炉今日几条友约埋重游旧地咁当然系面目全非啦⋯⋯喺香港，冇乜地方系可以保存得到旧貌㗎喇活化咗，食店变得年轻咗成层都系pet friendly嘅动物诊所同cafe仲有呢间食台湾家庭菜式嘅餐厅价钱几抵食，$68已经可以有𩠌有汤款式都几多，灵活度高，总有一款啱食朋友拣咗3主食套餐$78我拣咗2主食1小食套餐 $68套餐配饭&柴鱼蛤蜊汤一客主食同小食我个人觉得各有千秋份量上相差亦不大所以我觉得系钟意食乜就拣乜便可🤣某部分款式须加钱例如呢个西京烧比目鱼就要加$20咁比目鱼不嬲来货都贵，我觉得合理嘅个人推介必食嘅系腐乳盐酥鸡一客四大份，炸得几靓仔唔过火腐乳味就唔系好食得出牛肋条我觉得都系必食炆得好淋好入味酱烧黑豚腩肉，都几好食可惜一客得两片😭唔太够喉小食嘅溏心蛋几靓仔，蛋味极浓，推荐！饭亦可加钱换成日本蛋加酱油饭咁样食又真系好好味餐茶须加钱换购，都合理嘅餐厅本身有水可以自助香港嚟讲真系算系咁喇，好有良心一把年纪我哋怕饮甜嘢大部分饮品都系台式手摇，冇得走甜少许可惜无糖饮品选择不多整体餐厅真心系几抵食味道仲几好添餐厅营
同几个一齐做嘢十几年嘅同事讲起
当年大家初出茅庐𠮶阵成日去长沙湾打边炉
今日几条友约埋重游旧地
咁当然系面目全非啦⋯⋯
喺香港，冇乜地方系可以保存得到旧貌㗎喇
活化咗，食店变得年轻咗
成层都系pet friendly嘅动物诊所同cafe
仲有呢间食台湾家庭菜式嘅餐厅
价钱几抵食，$68已经可以有𩠌有汤
款式都几多，灵活度高，总有一款啱食
朋友拣咗3主食套餐$78
我拣咗2主食1小食套餐 $68
套餐配饭&柴鱼蛤蜊汤一客
主食同小食我个人觉得各有千秋
份量上相差亦不大
所以我觉得系钟意食乜就拣乜便可🤣
某部分款式须加钱
例如呢个西京烧比目鱼就要加$20
咁比目鱼不嬲来货都贵，我觉得合理嘅
个人推介必食嘅系腐乳盐酥鸡
一客四大份，炸得几靓仔唔过火
腐乳味就唔系好食得出
牛肋条我觉得都系必食
炆得好淋好入味
酱烧黑豚腩肉，都几好食
可惜一客得两片😭唔太够喉
小食嘅溏心蛋
几靓仔，蛋味极浓，推荐！
饭亦可加钱换成日本蛋加酱油饭
咁样食又真系好好味
餐茶须加钱换购，都合理嘅
餐厅本身有水可以自助
香港嚟讲真系算系咁喇，好有良心
一把年纪我哋怕饮甜嘢
大部分饮品都系台式手摇，冇得走甜
少许可惜无糖饮品选择不多
整体餐厅真心系几抵食
味道仲几好添
餐厅营运形式比人感觉好年轻
但菜式上适合任何年龄层食嘅
起码我哋几个老饼入到去都唔觉食得唔舒服🤣
仲心郁郁再去食多次添！
张贴
