Simply Waffles X Mr. 閔 (新都城中心三期)

营业中

休息中

喺商场一个唔显眼嘅位置，竟然比我发现有间餐厅食韩国嘢，仲要好抵食。先来2杯清爽特饮，出面实在太热，饮啖真系大清凉。套餐都系几十蚊，有主菜之余仲有韩式炸鸡，黑酱捞面超惹味，配埋青瓜丝感觉唔会食到好溜，但就好好味。套餐仲可以选择食埋呢度好出名嘅啤酒浆炸鸡，咬入口超脆，入面鸡肉好juicy。另外单点咗啲其他食物，辣年糕劲香我仲要加埋芝士，真系好香浓，辣辣地好开胃，食唔停口。炸鱿鱼须好香脆，有咬口但唔会好硬，真系想叫多杯啤酒送黎食。最后食埋个甜品，即叫即整窝夫太精彩，劲厚cream，唔会太甜但超好味，下次要试埋其他口味。我地食左咁多野，埋单都系二百几蚊，真系抵食。