鳴越越式料理

营业中

休息中

突然间好想食越南粉所以就揾咗一间越式餐厅。喺中环食嘅一定要喺𠮶边嘅嘢食好贵今次我就去食一间平价嘅越南菜。虽然平价，佢嘅装修同埋坐嘅位置都好舒服，同几个朋友一齐嚟呢度食，食套餐或者小菜都好抵。我哋先经过楼梯落到去嘅时候都有介绍餐厅有啲咩嘢食，见到佢嘅餐牌真系觉得好抵，基本上系午餐嘅价钱食到晚餐嘅食物。我哋叫咗生肉汤河同埋火车头，非常足料。生牛肉软嫩而且份量多，价钱都只不过系6，60元。另外佢嘅火车头都非常知足了入边会有牛丸，牛柏叶，生牛肉等等嘅材料，最重要佢嘅汤底唔会食完好口渴证明都冇落味精。马拉盏炒通菜饭，通菜炒得够火口，白饭都好大碗啱晒夜晚食。你个份量大概四个人都食得晒所以建议大家点几个套餐大家一齐分享。另外都点左几个小食，炸春卷，越式煎粉卷，扎肉同埋鸡翼。当中我最钟意就系佢嘅炸春卷因为啱啱炸出嚟而且出边系脆口。另外鸡翼都唔错因为佢会有啲调味喺面头所以唔会咁单调。怕油腻嘅佢旁边仲配生菜，食炸物都不怕。另外扎肉嘅份量都几多同埋蒜粉卷入边啲料真系好多例如木耳丝，而且都系爽口新鲜。