康記菜館 (已結業)

长洲之旅尾声，天已黑齐，朋友介绍呢间食海鲜，其实呢度一排都系海鲜档，地下放满折枱，有帐篷顶，店家比了张室外大枱我哋，虽然无冷气都唔系好热！虽然唔系假期都好爆场，好嘈杂！坐低叫个套餐，再加两个小菜，食物好快到！椒盐虾：好香口，虾壳炸到脆卜卜，外面咸香，里面鲜嫩！好味！蒜茸开边蒸虾：虾唔大只，开边后肉好薄，无乜咬口，虾新鲜，蒜茸香口！豉椒蛏子：蛏子太碎，好难揾，酱汁太多，好似酱多肉少！不过酱汁味道唔错！里子亦鲜味！豉椒炒蚬：最喜欢呢味，蚬肉无沙，几大只，豉椒香口微辣！正！蒜茸蒸带子：带子大只，唔腥，最好味系垫底嘅粉丝，索晒鲜味豉油！渔香茄子：唔辣，茄子淋身，配咸香肉酱好味！咕噜肉：酸甜开胃，好在肉排唔肥（好多系成块肥猪肉）连配料青椒、洋葱、菠萝都爽脆西兰花：新鲜爽脆！唔会过咸姜葱炒蟹：最迟先来，大家都食晒白饭，而且全部系蟹BB,细只到无乜肉，好削！樽装可乐：海鲜配够气樽装可乐！正！店员好爽，唔浪费时间，上菜落单都好爽快！难得呢类小厨厕所都干净！