塚田農場

营业中

休息中

美人寿司御膳🍣一端上嚟我哋就好惊艳，摆盘超精致✨ 除咗寿司以外，仲有面豉汤、杂锦沙律同埋天妇罗，超抵食！寿司件件都好新鲜，一次仲可以食到唔同口味嘅寿司。带子寿司肥美鲜甜，仲有牛肉寿司肥而不腻，最钟意就系三文鱼鱼腐寿司！新鲜嘅三文鱼同埋薄薄嘅油豆腐皮微微甜，上面嘅料多到一口食唔晒 🤤 套餐入面仲有一小碟嘅三文鱼刺身同埋鱼籽，一点都冇腥味反而仲带住甜味，食得我好满足啊！美人框饭🍚同事就拣咗呢个框饭，摆盘都好好睇，食饭前我哋都忍唔住keep影相！牛肉味好浓郁，肥嫩嘅口感同埋煮得软硬适中嘅饭带住咸甜酱汁嘅味道，真系一口接一口食！ 蟹肉三文鱼籽饭都好好食，蟹肉一点腥味都冇，配住三文鱼籽一口落去仲会喺嘴入面爆炸！真系超美味🤤 天妇罗都炸得好脆，甜虾外皮酥脆但系虾肉本身仲好嫩口🥰 食腻咗仲可以饮套餐入面嘅鸡汤，成个套餐我哋都感觉好抵食，超推荐～