L'AMOUR (已易手) 新餐厅

餐厅装修几高贵，系啲好大张嘅绒面红色凳坐得都几舒服，同埋已经好有万圣节气氛，今次食佢哋嘅lunch set。4 Course $338坐低咗冇几耐就开始上餐包，有黑松露牛油加埋个包一齐食都几好味。焦糖法国鹅肝挞食落去都几重鹅肝味，面头有少少烧过嘅焦糖几香口。蓝鳍吞拿鱼他他吞拿鱼都几新鲜配埋个汁几清新，几啱口味。法式澳洲活龙虾汤呢间个龙虾汤做得几好，一饮落去已经饮到好浓烈煲咗好耐嘅龙虾精华，味道都好丰富。是日餐汤南瓜汤都几浓郁，饮落去口感都好滑。烧韩国天然顶级纯种1+韩牛牛肋骨韩牛食落去一定稳阵㗎啦，肉味好浓之余口感都唔错，个肉质处理得啱啱好咬落去好腍，味道都唔错。烤西班牙猪腩肉个皮煎得几香口，但系食晒成块就好腻，猪腩肉油脂分布都好平均。原只海胆雪糕海胆好新鲜好好味，同埋份量都几多，配埋个豆腐雪糕一齐食劲正。