張公館

营业中

休息中

食得多唔同国家嘅菜式，有时都想食吓中菜。呢间粤菜馆，出名菜式精致，服务周到，加埋由29楼望出去嘅海景，真系多重享受。 潮式冻马友鱼饭经典潮州菜式，马友要好新鲜先可以有咁实净嘅口感。鱼本身冇太多嘅调味，普宁豆酱嘅咸香就好带出到鱼嘅鲜味。 香炸虾枣大大粒好似大枣形状嘅丸子，外皮金黄香脆，虾肉饱满弹牙。点甜酸酱都几醒胃。 上汤牛油大虾球煎脆米粉底米粉底真系劲脆，又够香口，咬落去咔吱咔吱，就算浸落上汤入面都仲系好脆。爽口弹牙嘅牛油大虾放入上汤，成个汤变得浓稠鲜味。 猪油渣大地鱼粒炒菜心苗菜心苗炒得翠绿，而猪油渣同大地鱼粒系重中之重！因为已经逼晒啲油出嚟，所以一啲都唔油腻。劲好食！ 桂花五色糕五层嘅桂花糕，简直系心机菜。有桂花、芒果、椰汁等，一件桂花糕食到五种味道同口感，感觉丰富。