鮨樂 (奧海城3期) (已結業)

上星期同朋友嚟大角咀庆祝生日，原来呢度新开鮨乐。之前喺中环食过lunch set，连锁寿司店呢度食材都日本直送，新鲜D，今次就试埋佢地既晚市啦！因为系新店开张，所以呢度有唔少奥海城限定菜式同优惠。前菜我地点左「岩蚝」，每只都好大只，肉质扎实，蚝🦪肉带点海水嘅香气，味道浓郁丰厚，加埋柠檬汁就更清甜。朋友本身钟意食鲔鱼🍣，就当然要叫返几款拖罗寿身同刺身。吞拿鱼口感细嫩绵密，富有油脂香气，鱼香味十足。中拖罗几乎无筋，口感丰富，入口即溶。而大拖罗颜色较浅，系较多脂肪既位置，食落有咬口，油分丰富，口感有啲似日本和牛咁😌。即使唔蘸豉油，鱼香味十足😊，都够哂新鲜。而卖相最吸引一定系「吞拿鱼拖罗丼」，有齐大拖罗、中拖罗同吞拿鱼腩蓉铺满寿司饭上，啖啖满足🥰。食完寿司刺身又要试吓其他嘢。估唔到呢度都有鹅肝食。鹅肝本身已经好肥美，煎香后油香味更突出。配埋薄薄香脆米纸，口感好有对比，加黑醋食落带点香甜，降低油腻感。「蟹味噌甲罗烧」又系几特别，蟹壳放左好多蟹肉同蟹膏，再加埋味噌煮够哂惹味，用嚟配白饭或者系旁边嘅鱼干就一流👍🏻！「时令寒𫚕薄切」入口弹牙清爽，配埋爽口嘅青葱同埋洋葱，口感同拖罗截然不同。「鹿儿岛西冷