泰‧雅

营业中

休息中

每次喺奥海城做完运动或行完街，都习惯落返去大角咀或者旺角揾食，所以每次经过大食代都会过门不入。但今日一场大雨，令我滞留奥海城，先发现原来大食代充满惊喜！去Foodcourt食饭，除咗款式选择多之外，呢间主打泰国菜嘅泰雅，价钱仲要非常亲民，以后将会成为我哋嘅首选呢！泰式无骨凤爪套餐可以以优惠价加配小食，虽然份量无正价咁多，但都有4只凤爪呢！凤爪入味微酸，够晒醒胃！小食拼盘其他加配嘅小食仲有香叶包鸡、单骨鸡翼、炸虾饼。虽然系Foodcourt形式，但估唔到都系即叫即整，炸虾饼热辣辣，非常香脆，而且非常弹牙呢！至于香叶包鸡嘅鸡肉非常嫩滑，充满香叶嘅香味。泰式甲抛肉碎煎蛋饭肉碎炒得非常干身，够晒镬气！至于肉碎味道咸香十足，仲带有香辣味，加埋流心蛋汁，送饭一流！泰式猪颈肉炒河粉泰式炒河粉嘅配料可以拣鸡肉、牛肉、肉碎，同我哋所拣嘅猪颈肉。煎香咗嘅猪颈肉，油香令整碟河粉更升华。