影片
更多
2015-09-16
1420 浏览
同志尚未成功，革命当然还需努力，味之艺术完全适合他们的话题，女仔钟意睇openrice，对最潮之食店就如家珍一般数你，朋友要追到手，当然要有加油，于是，继续补习。是晚来到了好景，朋友话以为我去那很潮的绿茶店吃甜品，我笑而不语，因为我冇心情同佢等位，而且呢度都开左一间潮舖同样非常有noise，呢个就系Stack。Stack 主要卖的系雪糕三文治，唔好睇小佢只系卖一样野，剩系雪糕同饼干再加topping ，已经有好多嘅选择，饼有几种味，雪糕有几只味，选择多元化，特别女仔一定喜欢，朋友话点解唔食个间排到七彩而又出名的，我说下次吧，因为呢间雪糕三文治系由大只仔开的。然后朋友才彷佛明白那个原因，因为佢心仪个女仔就系好钟意睇无线电视，由今年港姐冠军麦明诗到大时代，如痴如醉，在这里很多食友都可以野生捕获大只仔，朋友要氹女，有几难。女人心，其实好易掌握吧。雪糕口味有荔枝，玫瑰花，士多啤梨，生日快乐，曲奇和云呢拿等，曲奇有朱古力，双胞胎朱古力，红莓芝士，肉桂和菠萝饱，crossover可以有廿五个配搭，还有彩针，朱古力针，棉花糖，oreo碎，朱古力脆珠，焦糖等，呢度的combination，数学有限的我
同志尚未成功，革命当然还需努力，味之艺术完全适合他们的话题，女仔钟意睇openrice，对最潮之食店就如家珍一般数你，朋友要追到手，当然要有加油，于是，继续补习。
是晚来到了好景，朋友话以为我去那很潮的绿茶店吃甜品，我笑而不语，因为我冇心情同佢等位，而且呢度都开左一间潮舖同样非常有noise，呢个就系Stack。
Stack 主要卖的系雪糕三文治，唔好睇小佢只系卖一样野，剩系雪糕同饼干再加topping ，已经有好多嘅选择，饼有几种味，雪糕有几只味，选择多元化，特别女仔一定喜欢，朋友话点解唔食个间排到七彩而又出名的，我说下次吧，因为呢间雪糕三文治系由大只仔开的。然后朋友才彷佛明白那个原因，因为佢心仪个女仔就系好钟意睇无线电视，由今年港姐冠军麦明诗到大时代，如痴如醉，在这里很多食友都可以野生捕获大只仔，朋友要氹女，有几难。
女人心，其实好易掌握吧。
雪糕口味有荔枝，玫瑰花，士多啤梨，生日快乐，曲奇和云呢拿等，曲奇有朱古力，双胞胎朱古力，红莓芝士，肉桂和菠萝饱，crossover可以有廿五个配搭，还有彩针，朱古力针，棉花糖，oreo碎，朱古力脆珠，焦糖等，呢度的combination，数学有限的我，计不了。你自己创造你自己的雪糕三文治，个idea都几好玩。
我试了朱古力加荔枝加彩针，我特别喜欢那个彩针的斑斓，精彩美丽，女仔唔会唔钟意，因为我都觉得好靓，朱古力味的曲奇与荔枝味，一浓一淡，就如男和女，一凹一凸，但却出奇地匹配，荔枝的淡淡幽香没有被朱古力味盖过，而彩针就主要系装饰用，味觉上就冇乜大帮助。
其实我好想食菠萝饱，可惜这个晚上已经买完了。朋友吃的是红苺芝士曲奇加玫瑰花加焦糖，呢个有点腻的选择，始终芝士系有点易饱的选择，玫瑰花比荔枝来得更香更特别，就如淡淡的花香在口中随随漂浮，焦糖的重味就为呢个淡味雪糕添上个性，令口感复杂多变一点，呢个配搭似乎更特别。
最最钟意食左少少雪糕之后，用两个饼夹实佢，最体现到雪糕三文治个concept。另外一个赞，系俾个两个妹妹服务员，佢地好细心介绍，仲有最好系可以俾你试其他的雪糕味，当中士多啤梨和生日快乐最得我心，特别系生日快乐，睇个名都估到系生日蛋糕个味，呢个如果配菠萝饱，谂起都想食....
朋友都觉得呢个介绍唔错，只不过，冇得坐系度食，但口袋里多一个甜品选择也是不错吧，特别系自己心仪女性喜欢的人开的餐厅，还是甜品店，一定甜上加甜吧！下次你同佢食，记得试下食呢个combination ，如果真系好似我地谂咁好食，就再去食啦。
Stacks
旺角百利达广场11号舖
张贴
