桃子Cafe (已結業)

行行下女人街有间叫桃子cafe,夜晚8点几都有人排队食，见唔赶时间就排下队食，等了十几分钟就到我地入去。店舖不算好大但干干净净。餐牌上的晚餐种类有好多款，我同老公一人一个餐，一个和风卡邦尼意粉一个每日限量的日式咖哩汉堡蛋包饭，饮品叫咗两杯特饮柚子蜜青柠梳打同草莓梳打。有位疑似老板娘透露原来日式咖哩汉堡系老板每朝8点就返舖头制作汉堡，当中系用咗安格斯牛同西冷牛整成。哗......舖头开下午12点，老板真系好有心机，真系有血有汗，咖啡唔太辣好有日式风味，意粉味道啱啱好，好多海鲜，我又试下将啲咖哩汁捞入啲意粉到又好好味呀，好味到将两个晚餐清晒👏🏻👏🏻