水蜜桃冰室 (已結業)

其实女人街内真系好多餐厅，当中更有好多有质数的餐厅！今次食的水蜜桃冰室，系近油麻地个边的入口，靠右边个条内街，好容易揾。餐厅的所有晚餐都会跟一碗餐汤及基本饮品。我同朋友朋友都每人加了$12要酥皮汤。餐汤有红汤白汤可选，我俩都拣左白汤，白汤唔似市面上的献汁汤，味道都ok。我们都另外叫左一份炸芝士，芝士外脆内软，好食。我对慢煮的菜色基本上不能抗拒，因为肉质一般都比较嫩口Juicy，所以就叫左一份「低温牛柳意式煎饭」！牛柳煮得岩岩好，煎得香，口感又唔会un，尽对无失望。煎饭话明系煎饭，其实系一个煎香左的饭饼，d饭煎又香又脆，钟意香口野应该都会几钟意。朋友就叫左一份「汁烧鳗鱼蛋包饭」，颜色睇落已经觉得好吸引。食落鳗鱼好香，烧得又唔会太干。个饭系有心思之作，唔系白饭之余仲每粒饭都好Moist。去水蜜桃冰室点可以唔试蜜桃雪葩呢？雪葩用雪硬的蜜桃做器皿，入面放了满满的清香的蜜桃雪葩。雪葩质地柔滑，唔似雪硬的雪糕。味道非常清甜，系生果的原甜，食落好满足的感觉，个人觉得系必食的作。餐厅除了蜜桃外，仲有多款生果雪葩，我一定会再黎试多几款。另外，餐厅的主食都几有水准，份量又大，绝对估得大家去试试！