大丸和風食堂 (已結業)

已经好耐冇去过女人街啦，今次就陪阿妈行街虽然人流少咗行路畅通咗，但系啲食肆都多咗好多，可惜好多都细细间咁，望似坐落都唔多舒服。但喺呢间睇落去相对大间，又有卡位，而且枱同枱之间又唔会太迫，价钱都合理，就决定呢。由于整个Menu啲嘢食都几抵食，忍唔住嗌咗好多嘢。个人最推介火焰三色卷，牛油果软壳蟹卷，个师傅包得几好，唔会散修修，而且可以一啖个摆落口。至于火焰丼饭，分量感好充足，可惜太多沙律酱。仲单叫咗蟹子军舰，鳗鱼寿司等等，大概都系$1x-2x一碟，价钱同争鲜差唔多，但系个饭系有温度㗎，好食好多。最后叫咗和风炸鸡，系相对大块，但系好似炸得比较耐，导致个皮比较硬身少少，而且个皮本身有啲味道，再加上上面嘅沙律酱，同埋日式嘅酱汁，个人来讲偏咸咗少少。