高堡

营业中

休息中

高堡系女人街入面一间新开汉堡小店，哩日同朋友行完山出返旺角食lunch，见佢新开张午餐送饮品几抵食就入去试下。佢地个lunch set大约$6x至7x，新张期间送野饮仲免加一，所以都见有唔少食客一支公黎帮趁。荔枝梳打 & 水蜜桃梳打(跟餐免费) - 本身特饮跟餐要加$8，而家新张期间免费，梳打几大杯，饮之前搅匀佢，甜度适中，梳打味唔会太重。什锦炸物($58) - 炸物拼盘有炸虾、炸蚝、炸蟹钳同炸南瓜薯饼，炸皮香脆得黎唔会太厚太硬，炸蚝唔会太熟仲好juicy。吉列芝士猪扒配猪骨浓汤乌冬($65) - 猪扒加左芝士再炸，半珐芝士令猪扒食落冇咁干，吉列炸皮唔会太油，鸟冬量都几多，几弹口。牛肉汉堡配薯条($65) - 汉堡包烘得几靓仔，汉堡肉唔会太鞋，番茄清新生菜爽脆，薯条香脆唔会太咸，整体唔错。柠檬芝士饼($48) - 芝士饼唔会太干，口感较为硬身，食倒柠檬清香味，如果酸多少少更好。总结，小店装修虽然比较简单，不过地方都干净企理，坐位唔会太迫，食物卖相同味道都唔差，免加一同午餐送特饮几抵食。