篤篤車 (已結業)

今日去左波鞋街买鞋，买完过来女人街呢边有间笃笃车仔面。餐厅唔算太大，但座位舒适，灯光明亮。点左一个套餐三𩠌面+小食+菜$81，另外加一碗三𩠌面，网纹春卷，吉列炸虾饼和2枝饮品。三𩠌面萝卜好淋又入味甜甜地，猪皮又入味，咖喱鱼蛋又唔辣又弹牙用，冬阴公汤底好香浓又唔会辣，配上米粉吸上汤的精华好味道。三𩠌面牛肚够淋又香浓，猪红又弹，墨鱼丸爽口弹牙，鳄鱼汤底好特别，又几鲜甜。金银蒜菜芯，菜芯炒到好碧绿，又唔会太淋，蒜蓉味香浓。泰式凤爪，凤爪好爽弹，酸酸辣辣几开胃。网纹春卷，炸到金黄色，外层松脆，内里材料丰富。炸虾饼几弹牙。