篤篤車 (已結業)

去開旺角行街，肚餓路過見到有個泰式車仔麵幾抵食就入咗去食。叫咗兩個套餐$81 三餸車仔麵+菜+小食三餸叫咗雞翼、豬大腸同豬紅。雞翼同豬大腸都幾入味幾淋👍🏻豬紅就正正常常。湯底要咗微辣鱷魚湯，個味都幾特別，好似都真係有少少鱷魚味😂，辣到就譚仔十少辣到。菜要咗馬拉盞炒芥蘭，佢都似係即炒，味道偏淡，芥蘭食落都新鮮唔苦小食要咗酸辣鳳爪，份量都OK，係比較辣同埋好多都係斷指😂$65 冬陰功炒飯 包罐裝汽水炒飯都有鑊氣，但冬陰功味唔係太濃。不過都幾足料，有好多細蝦仁，啖啖都有肉😋。個飯入面有好多黑色鑊蕉，我自己就唔係好鐘意，感覺好似唔太乾淨😓整體衛生情況都尚可接受，有啲蟲仔係到飛，但打開做生意佢係出面飛入嚟都冇計

前幾日係旺角吾知食咩好，見好耐冇食過車仔麵就決定入去試下先🤔🩵主食：三餸車仔麵$44車仔麵底揀左油麵，餸方面就有咖喱魚蛋、響鈴、牛腩配冬蔭功湯，我覺得最特別係有冬陰功湯底，食落湯底酸酸甜甜都幾惹味，但係咖喱魚蛋就係成個麵粉咁，超級難食，響鈴就正正常常，牛腩都係麻麻哋，所以應該食一次就算🙃🩵飲品：紅茶花伝檸檬茶$10係一支用膠樽裝既檸檬茶，於各大商店有售🤣🤣

忍唔住打人生第一個食評：🥲幫襯左多年，由佢元朗開舖食到去旺角，我以前會介紹朋友幫襯，因為覺得煮得好有心機。但佢旺角呢間，第一次食個湯底都變左，d餸無咁好食，算！但佢以前個雞翼好正，呢間係我第三次叫雞翼，都係有血🥺，今次仲係無味好硬，超有雪藏味…我發誓任何一間店的雞翼都好食過佢，我俾左好多次機會呢間舖，今日起唔會再幫襯～因為元朗同旺角太大出入，feel到煮得好求其。佢而家咁既質素，有咁多好評，你地自己諗係咪真評啦， 唔信試一次💀

🍜🇹🇭🥣平民價泰X港式快餐🆗泰式肉碎飯-$38見到門口做緊推廣，話呢個飯係期間限定，見價錢唔貴，所以入去試吓，不過現實就同圖片嘅就有啲唔同。現實係大碗飯黎，飯量都多，上面隻蛋唔係流心，不過都燶邊，個泰式肉碎冇咩泰式風味，啲肉好乾，普通肉碎，雖然有啲九層塔喺入面，但係肉碎完全冇同九層塔混合嘅味道，亦都冇泰國菜店食到嘅泰式辣味。值得一讚嘅係佢個豉油幾好味，應該有同熟油煮過，撈飯一流。🆗泰式庶蝦 -$8小食$8一件，有興趣可以試下，呢個庶蝦雖然條庶，但完全冇庶味，就係條狀蝦餅，泰式辣醬就幾好味。

真係多打手，甘難食都吹到好食。個日買左碗鱷魚湯 河粉 加左芝士腸 唐生菜 豆卜 扎肉先講個芝士腸，唔知系用邊隻牌子，怪味芝士腸諗住菜應該冇死啦 我頂 又梅又爛 睇得出唔係煮到老個隻 系真係好梅好難食豆卜就好正常嘅扎肉就塑化劑扎肉 好似食緊化學野個湯系叫做正常嘅 但成兜餸都好難食 食左幾啖忍唔住要放棄了 簡直浪費quota然後仲叫左個馬拉盞炒芥蘭 哇 苦過我條命丫 聞落已經唔係香 點知食落仲驚嚇仲要一個炸春卷 系正常嘅最後結論就係 唔會再食 啲餸又唔係多選擇 湯底都唔系特别吸引 最主要系選擇少得嚟都樣樣甘難食

先黎第一份米粉套餐配料方面有墨魚仔 牛腩 豬紅 蘿蔔 冬菇❤而湯底係冬蔭功，雖然冇平時食開既咁重口味，但叫黎過下口癮都唔錯嫁!😁泰式炸雞翼😊夠哂香脆可口，外脆內嫩!金銀蒜菜心😎金銀蒜勁香口，又唔會食到好硬既一粒粒~第二份米粉套餐配料方面有 白蝦仁 墨魚仔 雞翼 蘿蔔 豬紅🥰而湯底係清湯 微辣，唔夠辣可以自己再落佢地既辣菜脯 / 再辣d既辣椒油!我自己就中意菜脯 香口得黎又有咬口。泰式鳳爪 夠哂酸0甜!😎馬拉𦾟芥蘭❤夠惹味芥蘭亦炒到好爽脆!米粉配料我地最中意😍墨魚仔 牛腩 豬紅 冬菇 雞翼! 墨魚仔一d都唔腥隻隻都肥dodo，牛腩夠哂腍滑，豬紅爽口! 冬菇同雞翼都大大隻!🤤

元朗人氣車仔麵黎到旺角喇！篤篤車喺元朗街知巷聞，估吾到會開到黎旺角，仲要系走泰式路線，有泰國鱷魚湯🐊冬蔭功湯同埋咖哩湯，另外有數款泰式小食。蒜蓉菜心🥬蒜蓉味好出，平時食得太多吾健康嘅食物，要健康一下。叫啲小食試吓先，蔗蝦同炸蝦餅，蔗蝦幾爽口，炸蝦餅蝦膠結實，兩樣都系8蚊真系抵食到傻左😳自己系叫幼麵，鱷魚湯🐊微辣，配以珍珠元貝、紅腸，緊系吾知鱷魚湯系咩味，魚湯味頗新鮮，配少少辣油好惹味🔥珍珠元貝細細粒，數量吾少，平時少食到，多數系食帶子。另一碗油麵，咖哩湯小辣🔥豬紅、咖哩魚旦、芝士丸、生根、響鈴，咖哩魚蛋好鬼入味💛生根同響鈴索曬咖哩湯少少辣好多汁😊

今日去接朋友收工！經過呢間唔算人多嘅車仔麵店，今餐係朋友請我的，當然要叫多啲。今次一人都叫咗100文嘅車仔麵，價錢唔算貴，最重要係佢嘅料非常充足，兩個人保證食得飽有凸我就叫咗牛腩牛筋貢丸芝士腸的鱷魚湯平時都無食過鱷魚所以唔清楚我魚湯係乜嘢味😂但係整體正常啲唔會太多味精，都算係推薦嘅湯底，牛腩牛筋質素都正常牛筋比較大舊。浸得比較難推薦我朋友就叫咗。雞腎豬大腸豬紅冬陰功湯底，試咗佢嘅冬陰功湯底，唔算辣但係香都算推薦，整體車仔麵嘅餸質素係正常而且分量夠多，唔會過多嘅驚喜但係唔會失望

呢間係我回頭咗N次嘅車仔麵小店記得果陣時《篤篤車》啱啱開店的時候,我地好好奇同埋覺得個名好得意,所以行下入去試吓點知一試難忘 ,自此之後就變咗我地哋公司同事嘅其中一個飯堂,皆因唔單止好味,仲要抵食夾大件$44 三餸麵我地同事之間成日都話《篤篤車》係一間富有泰國特色嘅香港車仔麵,原因佢地嘅招牌鱷魚肉湯底和冬陰功湯底,實在是太富有泰國特色太泰好味喇！好似我唔係咪好食得辣野嘅,就超級推薦鱷魚肉湯底,以泰國入口 鱷魚肉和骨頭等來熬煮湯,用料十足,湯底熬成奶白色一,入口鮮甜無比,每次我都先飲幾啖湯,然後先再食麵；車仔餸嘅份量真係好多,舖滿哂成個碗面,仲有成30幾款餸俾大家選擇:而我獨愛白蘿蔔,清甜多汁又無渣,大腸和牛筋也是我的最愛,前者入味軟腍,後者稔口彈牙,滿有骨膠原之感,還會附送少量蘑菇個杞子,加 $3仲有一個芫荽山俾你, 如果想再飽一點可以叫湯飯, 連我地嘅大隻男同事都會食得好full 㗎店家的泰式冬陰功湯底,酸辣惹味,海鮮蝦味泰式香料味亦香濃,其實淨係飲佢地個頭湯底我都覺得好抵呀！仲有必試佢地嘅自家製手工辣菜脯,對我黎來講確實好辣咗少少,不過愈辣愈想食,香辣惹味,爽脆開胃,嗜辣的朋友們,

2023年7月3日行完旺角波鞋街，去左女人街搵野醫肚，發現有間新開張既車仔麵，一於同朋友入去試新野，我覺得環境吾錯。我地叫左一個泰國鱷魚湯同冬陰功湯底，湯底吾算濃烈，味道適中，適合香港人口咪。值得介紹既係冬陰功湯底，酸度同辣度中和得剛好，我平時鍾意飲冬陰功湯，必點既一道菜。另外，叫左泰式鳳爪，用醋同辣椒醬浸過，好入味，仲有吉列炸蝦餅，一個字-脆！如果平時食厭左打邊爐，又吾想食飯或韓日餐，可以一試呢間篤篤車

我在這家店點了一碗三送麵，裡面有金針菇、扎肉和酸菜等配料，還點了一份芥蘭作為開胃小菜。當湯麵上桌時，我馬上就聞到了湯汁的香氣，非常誘人。湯麵的味道非常濃郁，湯汁的口感非常滑順，配上手工製作的麵條吃起來非常有彈性。金針菇、扎肉和酸菜的味道非常搭配，讓整碗湯麵的味道更加豐富。除了湯麵之外，這裡還有一些其他的小吃，價格也非常實惠，非常適合學生和打工族。店家的服務也非常好，非常熱情友善，讓人感到非常舒適和溫暖。

之前一直都好想試呢間「篤篤車」車仔麵，而家終於由元朗開左過嚟旺角，旺角返工有口福啦！💕淨三餸或兩餸麵起$36，三餸麵$44，完全係平民價！另外仲有套餐添～三餸麵+1款小食（可四揀一）+ 1碟菜都只係$81起～都幾抵食！😏 比平時散叫平$7至$11。「篤篤車」主打坊間少見的泰式湯底，包括鱷魚湯底、冬陰功湯底，非常特別。鱷魚湯底呈奶白色，以鱷魚骨烘過再熬成湯，配上杞子、茶樹菇等，有藥膳湯底嘅感覺，味道清甜，健康補身～牛腩（+$6）肥瘦均勻，值得一試！⭐️推薦❗牛筋炆得軟腍入味～⭐️推薦❗豬紅冇半點腥味，必試！冬陰功湯底由店家自家調配嘅口味，全用泰國青檸葉、南薑、 香茅來熬製而成，酸辣惹味～紅腸、墨魚丸普普通通，⭐️推薦❗扎肉相當有質素！仲可以加店家自家辣菜脯，微辣開胃。另外，可以$8加購小食一件，我哋分別加左香甜蔗蝦和泰式炸魚餅各一件，雖然唔係好大件，但勝在即叫即炸，味道不錯！⭐️推薦❗泰式炸雞翼（原價$28）一份雞翼有四隻之多，雞翼用香茅醃過，炸得香脆，香茅味清香，鹹香惹味。網紋春卷（原價$28）炸得香脆可口，蘸上甜辣醬，perfect match!腐乳唐生菜或馬拉盞芥蘭份量相當充足！馬拉盞芥蘭

呢一晚同老公想快食晚餐🥣行經旺角好多選擇老公想食麵 我地就揀左呢間 篤篤車📍主打泰式車仔麵🇹🇭開胃試下先😚-我地懶得諗 都揀左一個3餸配小食同菜的套餐📝我就揀左冬蔭功湯湯米粉🌶配紫菜、墨魚仔同咖喱魚蛋🦑湯底好夠足，唔會太啖又唔怕辣 有冬蔭功味🖤個人鍾意墨魚仔 好彈牙呀!😁-老公點了泰國鱷魚湯米線小辣🐊配牛丸，貢丸，紫菜呢個湯底相對會清淡一D❗️岩D唔食得辣既朋友不過如果本身重口味既，可能會覺得淡⚠️-小食方面，我地分別揀左網紋春卷同泰式鳳爪網紋春卷好脆口，配上身製醬汁好惹味😋而泰式鳳爪偏辣，相對開胃，唔食得辣既朋友要留意🤩-蔬菜方面分別點了灼菜心同炒腐乳唐生菜🥬份量都好多 好足夠!飲品我們點了檸檬茶🍋-真係好抵食😛不過就以快食為主 環境相對簡單‼️

(๑´ڡ`๑)┈┈┈┈┈┈┈┈┈┈┈┈┈┈旺角抵食泰式車仔麵✨┈┈┈┈┈┈┈┈┈┈┈┈┈┈平日下班想吃點東西醫肚通菜街附近必定是好選擇臨近朗豪坊5分鐘的路程┈┈┈┈┈┈┈┈┈┈┈┈┈┈𐂐 ⠜自選三餸車仔麵 $53 (3/5)車底選擇了咖哩湯 味道更惹味配料選擇也頗多的 有熱門的蘿蔔 雞翼 魚蛋外也有珍珠元貝 白蝦仁 牛肚 墨魚仔等個人最愛蘿蔔 入味之餘口感也很軟腍😍加了芫荽的米粉更加惹味呢┈┈┈┈┈┈┈┈┈┈┈┈┈┈𐂐 ⠜冬䕃功三餸泡飯 $92 (3.5/5)推薦！！冬陰功口味的泡飯惹味又開胃🤤辣度是小辣 吃起來不會太嗆口 且很暖胃喔另外套餐也包含小菜及小吃各一✨網紋春卷外脆內軟 沾上泰式辣醬增添風味┈┈┈┈┈┈┈┈┈┈┈┈┈┈𐂐 ⠜薄荷青檸梳打 $14 (4/5)𐂐 ⠜紅茶花伝檸檬茶 $10 (4/5)除了支裝飲品外 更有泰式特色飲品🥤青檸梳打加入大量薄荷葉超開胃的！！甜度適中 炎夏很推薦來一杯喔┈┈┈┈┈┈┈┈┈┈┈┈┈┈

平時出街，我都會搵下車仔面食每樣野食都可以食D， 最開心行到去通菜街附近，上網搵到有間叫「篤篤車」既車仔面，個名幾過癮入到去見到樓面整體幾乾淨﹑燈光都光猛而且，店面比一般車仔面店相對闊落，坐得唔迫陝4人枱約有7﹑8枱左右筷子係即棄既木筷子﹑有紙包住個隻既靚款算幾衛生，因為好驚遇到D 濕笠笠既枱上有紙仔俾自己圈野食菜單仲有英文版， 可以等外國食客都方便叫到~睇menu發現呢間係非一般既車仔面佢係有泰式成份的，因為有泰式的小食提供同泰式湯底好似有炸蝦餅﹑炸魚餅﹑泰式鳳爪等等我仲食過其中一款係香泰式炸雞翼，真係好食! 另外仲有一個特別位， 就係個湯底除左有泰式湯底冬蔭功，更有我從未見過既「泰國鱷魚湯」其實真係未試過鱷魚湯，但因為見到呢個湯底有兩個大拇指推薦，於是就信佢試一次最尾真係好驚喜，真係好得!此外，除了以上提及既，係菜式方面，都仲見到店家既用心， 就係佢地有提供「炒」既菜基本車仔面都唔會見到有菜係炒既形式而且個價錢仲要係$20 咋!整體係一間有心做﹑質素高既車仔面店而且係旺角要搵好味既車仔面， 唔容易，哈哈此外，枱上都有辣菜脯俾食客任加餸約有三十多款揀，有分特選餸同經典餸兩餸面餐$36