從⋯異世界 (已結業)

知名电竞女神 Rose ma最近系铜锣湾开左一间从....异世界女仆cafe, 今日就捉埋男友一齐黎潮圣。Cafe位于2楼，门外设有摇铃。客人先摇铃当，就可以召唤女仆。女仆先在店内帮客人量度体温及附消毒搓手液就可进入店内。坐低后，女仆首先会给［客人守则］ 给客人细阅。每桌上均设有摇铃用来召唤女仆。餐牌有4个套餐～我地分别都叫左［开挂人生］套餐$240包（即影即有单张+主餐1份+饮品1杯+甜品1份）夏祭 苹果芒果口味奶昔，唔会过甜。绝对领域 用蓝橘子口味冲制的梳打特调，颜色梦幻又几顺口。上菜时，还有女仆教你念变更加好味嘅魔法！因仍在试业当中，女仆表示主菜暂时只提供蛋包饭。仲可以请女仆按照自己喜好画上心爱嘅公仔。 男友要求画嘅篮球图案同我心爱嘅布甸狗都画得非常神似，都真系不得不佩服女仆嘅画工。嫩滑足料鸡蛋下内藏茄汁烟肉炒饭，还加入黑椒调味。朱古力香蕉waffle 同样画上QQ图案。Tiramisu 咖啡酒味都几浓郁。呢间以女仆主题cafe 来讲，食物质素合格以上。