Arcadia

营业中

休息中

餐厅环境真系好适合打卡，之前已经试过一大班朋友过嚟，饮下酒叫咗啲小食就冇试过正餐，佢啲小食真喺几唔错，今次同闺密嚟庆祝生日。佢哋啲signature Cocktail/mocktail 其实真系好有特色，今次叫咗啲QQ类型，Flamingo $68 超可爱嘅红鹤杯，喱杯喺无酒精的，另外嘅after Nightfall就比较重少少酒味，但系佢嘅渐变色好靓好梦幻，其实佢仲有一啲闪闪发光嘅Cocktail，不过今日做唔到，唯有下次再嚟啦。前菜叫咗个生牛肉他他伴黑松露配10年陈醋$188，陈醋配搭酸味味，好适合作为开胃菜，配上多士简直一流，但系少啲少啲咁样食嚟送下酒都唔错。主菜叫咗澳洲MB2嫩牛柳$398五成熟真系刚刚好，份量就细咗啲，不过两个女仔食就啱啱好，其实最重要都系方便打卡靓啫。苏格兰蛏子胖虎虾玫瑰酱意大利饭$298好大只虾同圣子，我发现佢仲有鱿鱼普通鲜虾鱼柳等等其他海鲜喺入面架。如果真系要嚟庆祝嘅话，记住预早book枱，同Staff讲返声系庆祝，等佢俾啲靓啲嘅位。同埋呢呢度其实有室外可以望到海景，但系因为今日天气比较差落大雨，室外场地就冇开放啦。不过唔紧要，下次总会有时间再嚟。