影片
更多
2014-01-10
2834 浏览
夜晚同朋友系尖沙咀行完街, 近近地系Isquare揾间餐厅食个晚餐。之前系沙田同太古都见过下呢间日本野, 睇个样都几吸引, 想想地去食,不过次次都撞到多人排队,今次见到无人排, 仲唔即刻冲入出! 一入去,原来尖沙咀个间都几细下, 无沙田个间外面见到咁大,不过都算坐得舒服~个餐牌都几简单下, 睇下个Set先~一碗细拉面加个饭。饭就分生同熟:生就有: 鱼子鱼生饭, 指定寿司, 三文鱼鱼生饭…熟就有: 煎带子牛油饭… (同唔系好记得…)拉面有4款汤底拣: 酱油, 盐, 味噌, 辣味我就拣左三文鱼鱼生饭+盐味拉面味道唔错, 鱼生都新鲜。拉面就有片叉烧, 有好大块肥糕~仲有竹笋, 呜门卷, 同梅? (其实我都好少见有梅系拉面到, 唔通系我见识少?)朋友拣左煎带子牛油饭+辣味拉面试左啖佢个汤底!! 早知拣辣味啦, 又唔系好辣, 但系就惹味好多, 盐味比起上黎就淡好多。其实可以食到少辣的人可以试下辣味, 因为个汤底真系唔可以算系辣, 重口味的人就更加要食辛辣味。再试佢个饭,正!个带子煎得刚刚好,似8成熟,牛油饭好香口, 但系见佢食完个碗底成层油就吓亲, 系好味不过应该好肥~今次我地两个女仔食, 个
之前系沙田同太古都见过下呢间日本野, 睇个样都几吸引, 想想地去食,
不过次次都撞到多人排队,
今次见到无人排, 仲唔即刻冲入出!
一入去,原来尖沙咀个间都几细下, 无沙田个间外面见到咁大,
不过都算坐得舒服~
个餐牌都几简单下, 睇下个Set先~一碗细拉面加个饭。
饭就分生同熟:
生就有: 鱼子鱼生饭, 指定寿司, 三文鱼鱼生饭…
熟就有: 煎带子牛油饭… (同唔系好记得…)
拉面有4款汤底拣: 酱油, 盐, 味噌, 辣味
我就拣左三文鱼鱼生饭+盐味拉面
味道唔错, 鱼生都新鲜。拉面就有片叉烧, 有好大块肥糕~
仲有竹笋, 呜门卷, 同梅? (其实我都好少见有梅系拉面到, 唔通系我见识少?)
朋友拣左煎带子牛油饭+辣味拉面
试左啖佢个汤底!! 早知拣辣味啦, 又唔系好辣, 但系就惹味好多, 盐味比起上黎就淡好多。
其实可以食到少辣的人可以试下辣味, 因为个汤底真系唔可以算系辣, 重口味的人就更加要食辛辣味。
再试佢个饭,正!个带子煎得刚刚好,似8成熟,牛油饭好香口, 但系见佢食完个碗底成层油就吓亲, 系好味不过应该好肥~
今次我地两个女仔食, 个分量就刚刚好, 不过见隔离枱男仔就系到话食唔饱~
题外话/补充资料：
温馨提示:
真系要谂下好唔好同男仔一起去食, 分分钟食完要再陪个男仔去食第二餐先饱
同埋要收加一, 大概每人一百蚊以上啦
(以上食记乃用户个人意见 , 并不代表OpenRice之观点。)
张贴
