Lockeroom Zoom Football Restaurant (山頂廣場) (已結業)

🔅Lockeroom Zoom🔅山顶🔅足球餐厅🔅系山顶都有黄店，仲要系足球迷男友最爱嘅足球专门餐厅，周围都有唔同嘅签名球衣挂晒喺度，亦有好多足球摆设，fans见到都兴奋！听朋友讲，山顶嘅装潢摆设比起其他分店更加有心机，我净系拣櫈，都拣左好耐！结果坐我几中意嘅（同埋认得嘅球员） Ozil ！食物方面一般般啦，觉得始终唔系卖点，但都唔失礼～我地叫左个 fish n chips，食得出食质结实，应该系sea bass，配上粗薯条同wasabi沙律酱～我地亦叫左和风牛肉球～ 外观有啲失色，灰色木鱼怪怪地，但口质OK，无肉汁，但酱汁好多，都好够味～下次好想试下佢个鳗鱼或者牛脷意大利饭，或者千层面，都好似咁吸引！所以呢间餐厅绝对系食环境同fans😂，男友会食食吓起身同壁画同球衣影相，又会睇到非洲足球比赛，同埋大讲波经，experience黎讲都100分！Lockeroom Zoom Football Restaurant网上订座即赚Rice Dollars 网址: https://s.openrice.com/QrbS02YmB00~uZ5MGAA地址: 山顶山顶道118号山顶广场2楼201