空

营业中

休息中

女朋友生日就梗食啲有质素嘅野黎填饱佢肚啦，上网睇尖东新开左一间日本餐厅，专食 omakese， $1180一位，虽然唔平但为左女友高兴，贵啲都值得去嘅！一开波侍应就送左杯香喷喷嘅浓玄米绿茶，比同平时饮开绿茶唔同，比转浓。之后头盘系一个比较酸嘅樱桃。拼盘上面有传说中嘅鲍鱼天妇罗，再配上鲍汁，一流！另外果个系窝笋，第一次食很特别，有配米通同沙律酱，几开胃嘅。再黎嘅系兵库县蚝，又大只又肥美，完全无咸水，好想再食多件。深海池鱼，平淡得淡又啲海鲜味。金目雕上面放左啲辣面豉酱，虽然我唔食得辣，但都可以整个食得哂。北海道北贝螺，正常口味，软得黎又有口感。北海道牡丹虾，超大只又肥美，上面重有烧过嘅虾膏同蓝色虾籽，粒粒爽口！中拖罗超级好味！近江和牛，成场最好味嘅食物，一入口即溶, 最可爱系仲有只脆炸蟹仔！金目雕鱼鲛，鱼身好滑流。太刀鱼，上面放左啲胡椒柚子，甜甜得黎又好味。北海道海胆，啲海胆多到吓死人，啖啖都有海胆味。鱼汤极有鲜鱼味，而且清甜得黎无味精。