鳥山。商號 (已結業)

放假去参加污糟儿活动，见到呢间环境望落几靓，就拣咗呢间，点知系恶梦嘅开始。首先，我去嗌咗一杯污糟儿（Dirty），我想拎埋收据，点知店员话：我哋呢度冇收据个㖞。要收据嘅话要俾钱。我内心心谂点解买嘢冇收据，仲要俾钱，不过既然冇咁就算。但系店员口吻及态度极差，亦都非常冇礼貌。然后，我坐低等佢整好。我望一望见到店员将一杯类似咖啡嘅杯送咗去隔离枱，明明人哋系啱啱坐低，单都未落。佢就问我：系咪你哋㗎？ 之后就放低咗。而Dirty其实系将Expresso倒入冻奶入面，唔会搅匀，饮嘅系个shot同奶嘅分层，宜家佢放到我枱，已经完全搅匀晒，成杯奶茶咁，我都唔知自己饮咗啲咩了。另外，同行朋友仲嗌咗杯朱古力，非常甜，完全饮唔落口。饮吓嘢，店员又无端端送餐上嚟，之后发现原来喺隔篱枱。由此可见，送餐亦都冇乜系统。平时都有去唔同cafe，今次呢次体验真系非常之差。唔会再去，亦唔建议大家去。