影片
更多
2017-04-28
811 浏览
今晚冇饭食，打俾好朋友问有冇意欲出来食饭，佢竟然话约咗我哋中学时期的女神出来，有女神的出没，我当然逼佢讲出约会地点，然后强行加入。原来佢哋约咗在旺角呢间烧肉放题食饭。烧肉食过，日式放题都食过，但系烧肉放题其实真系未食过，不过有女神坐镇，食咩我都仆倒过来啦！由于收到消息的时候已经为时已晚，来到现场佢哋已经食紧，我见到枱面上有个美轮美奂的的刺身小碟，当然抢先试一试啦（这个时候已经不理在女神面前的形象），虽然话名叫系食烧肉，但原来刺身款式都几多㖞，眼前经已见到有北寄贝，三文鱼，带子同甜虾，三文鱼系我的最爱，一来都已经食咗三片，仲食到一款细细旧的好爽口的刺身，应该就系马刀贝了！食完刺身之际，佢哋已经烧好左多春鱼了，细看多春鱼之下原来放咗一层纸，呢个烧法又几好㖞，唔使直接比食物接触个炉面烧，减少烧焦的机会，又冇甘油！多春鱼个肚里面收埋咗好多春春BB呀！好多蛋白质，好香口。 后来都我点菜先知道加左＄40升级皇牌放题，好在佢哋选择咗升级， ＄40又唔算好多，但系食多好多正嘢，例如系呢个香草羊架，我哋叫完一碟又一碟，看到羊架之上那层厚厚的香草，可想而知羊架能够好轻易好充足的吸收左香草的味，放上炉烧的时
原来佢哋约咗在旺角呢间烧肉放题食饭。烧肉食过，日式放题都食过，但系烧肉放题其实真系未食过，不过有女神坐镇，食咩我都仆倒过来啦！
由于收到消息的时候已经为时已晚，来到现场佢哋已经食紧，我见到枱面上有个美轮美奂的的刺身小碟，当然抢先试一试啦（这个时候已经不理在女神面前的形象），虽然话名叫系食烧肉，但原来刺身款式都几多㖞，眼前经已见到有北寄贝，三文鱼，带子同甜虾，三文鱼系我的最爱，一来都已经食咗三片，仲食到一款细细旧的好爽口的刺身，应该就系马刀贝了！
食完刺身之际，佢哋已经烧好左多春鱼了，细看多春鱼之下原来放咗一层纸，呢个烧法又几好㖞，唔使直接比食物接触个炉面烧，减少烧焦的机会，又冇甘油！多春鱼个肚里面收埋咗好多春春BB呀！好多蛋白质，好香口。
后来都我点菜先知道加左＄40升级皇牌放题，好在佢哋选择咗升级， ＄40又唔算好多，但系食多好多正嘢，例如系呢个香草羊架，我哋叫完一碟又一碟，看到羊架之上那层厚厚的香草，可想而知羊架能够好轻易好充足的吸收左香草的味，放上炉烧的时候除了羊肉的香， 同时散发出香草的香气，食落唔觉得有羊臊味，好香口，好惹味！
帆立贝大大粒，啖啖肉咁几弹牙！最后仲食咗大大粒蒜蓉牛油青口
拖罗都可以放上芝士来烧，够创新！
芝士嘅界别仲有芝士麻吉烧，我孤陋寡闻，真系未听过麻吉烧呢样野，不过烟烟韧韧咁，里面有包住啲软软的芝士，不错。
除咗推介一口和牛，牛舌亦都系必试之选！厚度切得好适中，放上去烧唔使烧好耐就熟，食得，好干身，咬落几chewy 又爽口。
女神竟然亲自烧鸡肉比我食，简直一个莫大嘅恩典，鸡肉好滑，油脂算系厚少少，放上去烧过好香。
后来仲食得落，但系又懒唔想烧，我就点佢哋个饺子来试吓，细细只的的式式咁，外皮炸得几香，都不错。忘记了影相，呢度嘢饮之中可以拣自家凉茶！怕热气嘅朋友可以一试，唔苦的，甘甘地（虽然我讲唔出系咩凉茶） ，不过好欣赏佢哋食物咁多样化，连野饮都咁照顾客人，而且凉茶系自家制，好有诚意。
今晚呢餐烧肉放题令大家胃口都好满足，但可惜女神在晚餐的后段已经先行回家，希望不久的将来可以再同佢食饭。
张贴
