影片
更多
2024-01-14
384 浏览
话说之前食过东涌间QUE，觉得嘢食好食，环境舒服，一查之下原来元朗Yoho都有分店，就喺今日去试下元朗分店系咪一样咁好。远处望过去餐厅，见到有堆人喺店外等候，我地都加快脚步行去攞筹。我同老公同仔仔3个人行到埋去就同餐厅女经理(着黑衫黑裤，戴眼镜，染金发紥马尾)讲要攞筹for3个人。女经理唔耐烦地叫我地等阵，之后佢就开始嗌筹号，当佢嗌晒几个筹之后，等晒啲人排队入餐厅，佢仲施施然走埋入去帮佢地落单(但其实楼面已经有人负责执枱落单啰)。个女经理完全无视有批人喺出面仲未拎筹，唔系等嗌筹号，系连筹都未拎呀！我地足足等咗10几分钟佢都仲未肯派个筹俾我地。其实佢只需要花1秒按个制就派到筹，佢真系分明玩嘢，做嘢无效率，唔识分先后次序。我都算有耐性，肯用10几分钟嚟等你派个筹，有啲客真系等唔切，转食其他餐厅。呢个女经理真系赶客，间餐厅真系多得佢唔少。做嘢咁低效率唔用脑，仲咁有性格。结果就喺佢10几分钟搞完一大轮嘢之后，返到嚟接待处，梗系唔记得咗我系第一个排队攞筹啦，拎筹嘅先后次序佢都唔知啦。企喺我隔离有个女人同女经理讲要攞筹，个女经理仲好恶咁问返我系咪同个女人同一枱，串串贡咁，个款好似佢系老板。我话唔识
我同老公同仔仔3个人行到埋去就同餐厅女经理(着黑衫黑裤，戴眼镜，染金发紥马尾)讲要攞筹for3个人。女经理唔耐烦地叫我地等阵，之后佢就开始嗌筹号，当佢嗌晒几个筹之后，等晒啲人排队入餐厅，佢仲施施然走埋入去帮佢地落单(但其实楼面已经有人负责执枱落单啰)。个女经理完全无视有批人喺出面仲未拎筹，唔系等嗌筹号，系连筹都未拎呀！我地足足等咗10几分钟佢都仲未肯派个筹俾我地。其实佢只需要花1秒按个制就派到筹，佢真系分明玩嘢，做嘢无效率，唔识分先后次序。我都算有耐性，肯用10几分钟嚟等你派个筹，有啲客真系等唔切，转食其他餐厅。呢个女经理真系赶客，间餐厅真系多得佢唔少。做嘢咁低效率唔用脑，仲咁有性格。
结果就喺佢10几分钟搞完一大轮嘢之后，返到嚟接待处，梗系唔记得咗我系第一个排队攞筹啦，拎筹嘅先后次序佢都唔知啦。企喺我隔离有个女人同女经理讲要攞筹，个女经理仲好恶咁问返我系咪同个女人同一枱，串串贡咁，个款好似佢系老板。我话唔识佢㗎，我系第一个排队等拎筹，table for three.如果我系食街边茶餐厅，女经理用咁串咀嘅态度招呼我同处理客人要求我都可以理解同忍受，大佬，呢间喺商场入面嘅连锁餐厅，等你派个筹都等咁耐又要受你气，仲要俾你加一服务费，换来系啲咁嘅服务，香港嘅饮食业真系俾个女经理搞弯晒啰。我都无撩交嗌，又无黑口黑面，净系想攞个筹都要咁样俾人串，咩事呀？
我都唔期望个女经理笑到四万咁口嚟招呼食客，躹晒躬咁讲多谢唔该呢啲客套嘢。做返基本嘢，喺接待处做好本分，处理好派筹工作啫，都搞唔掂，态度又恶又串，好似全世界得罪佢咁，要我地俾钱买难受，就算嘢食几好食都弥补唔返。睇返其他食评，原来唔止我一个对呢位女经理有负评。大家食呢间之前真系要谂清楚同有心理准备。
如果个女经理仲想继续做落去，真系要改下啲态度同处事手法，我谂佢啲下属都惨㗎啦，每日返工都睇佢面色受佢气。不过如果你系食客，你就有自由意志拣一间服务水准一流嘅餐厅了。
张贴