蕉徑休閒村

营业中

休息中

佢一直都非常崇尚天然新鲜蔬菜、生果，估唔到呢间宠物友善餐厅竟然可以将咁高质嘅食材发挥到淋漓尽致！地点位于新界比较偏远嘅地方，但沿路指示非常清晰，而且可以安排免费泊车！可以来一个慢活嘅黄昏！室内位置均由冷气提供，炎炎夏日都可以带毛孩嚟享受一个悠然嘅下午！而且环境充满绿色植物感觉非常舒适，园林实景，打卡一流！店内仍有不少有机新鲜蔬果及其副产品贩卖，买返啲自用或手信，都系唔错选择！场内仲有狗店长坐阵，见到佢哋咁悠然自得，证明店主真系非常宠爱😊有机蔬果汁：苹果加青瓜+苹果加红菜头～由于果汁都系纯天然，苹果天然嘅果甜中和青瓜同红菜头嘅草青味，配搭得直，清爽顺喉。葱油拌面配卤味～所用配菜、香料及酱汁非常惹味，但可以肯定非味精所致！当中卤蛋卤豆腐都非常入味！并用上肥瘦相间嘅腩位，入口即溶！秘制瑞士鸡翼～鸡翼嘅口感非常扎实，外皮充满独特嘅瑞士汁香味之外，内里嘅鸡肉都非常入味！三文鱼沙律～三文鱼份量算系非常多，配上「睇得出」嘅新鲜蔬菜，真系令人食欲大增，颜色配搭亦令人胃口大开！自家制蒜蓉法包～法包嘅外皮并唔会𠝹口，质地非常温柔软糯，配上大量蒜蓉酱及香草！成件事都非常吸引🤩怀旧蛋花大菜糕～清爽嘅大菜糕真系