亞玉冰室 (已結業)

下午5点几，未到晚饭时间，但又想食啲嘢，任性去咗亚玉冰室食个tea。之前都帮衬过几次，除咗食物质素好，店员都好有礼貌。因为冰室唔开晚市，临近6点冇乜人，坐得舒服。奶油多平时好少喺街食奶油多，觉得只系两片方包搽牛油，屋企自己整都得😅，但因为想留肚食晚餐，唯有点最简单的鲜油多。方包系厚多士，烘得好脆，内外都脆，真系唔错㖞，食得出师傅唔求其，用心制作。中间夹两片超厚牛油，以为都几油腻，但咬落去有淡淡牛油香味，一脆一软，两种层次，好有口感。奶茶茶味够浓，多奶，好滑，都算好饮。原本想清淡啲简单食个tea，但食完原来都几饱。