勝香園

营业中

休息中

嚟呢间大排档之前一定要有心理准备要同啲游客 大陆人一齐排队，但系呢间嘅上菜速度都算快，所以都唔使话排好耐就有位。咁通常去到我都会食佢嘅蕃茄鲜牛肉蛋面，听讲佢好似通粉出名啲，但系我都系钟意食公仔面多啲😂 咁就一定会叫多个奶油脆猪咁佢个蕃茄汤其实都算真材实料，起码佢上菜嘅时候都会有一大堆蕃茄蓉放喺你个面上面，你捞左落个汤度之后就成碗汤变咗做鲜红色，都几有食欲，但系个牛就系正常汤面嘅水平🙂佢个奶油脆猪焗到啱啱好，加落去个炼奶系好夹嘅，唔会好似出面咁太甜或者令到个包淋晒价钱方面就系旧式茶档嘅价钱，如果净系食个面嘅话可能人均几十蚊就可以走人，但系男仔来讲应该食碗面要再加多个奶油脆猪先够饱