我杯茶 (永興樓)

营业中

休息中

送咗小朋友上校车之后，我就同班妈咪朋友去食早餐。其中一个妈咪介绍话湾仔嘅「我杯茶」唔错，于是我哋几个立即去试。铺头唔系好大，只有三张4人枱同一列bar 枱。地方比较窄，未至于背贴背，不过都要大家互相迁就下，如果唔系就会触碰到其他人。而家天气咁热，就算餐厅开大冷气，我哋可能又食热嘢啦，大家都食到成身汗😅既然叫得做「我杯茶」咁佢嘅奶茶一定有返咁上下水准啦！于是我叫左杯大嘅热奶茶同沙嗲牛肉仙草面嚟试吓。其实餐厅系自己出去点餐，等嗌number，之后再自己拎埋位。不过老板好nice，佢见我哋坐咗埋边，唔方便起身去攞食物，佢专登攞过嚟俾我哋😊热奶茶（跟餐，加大$17）茶味香浓，唔会苦涩；冲出嚟嘅颜色好靓；花奶分量适中，唔好黏住喉咙。真系好饮㖞！我会愿意专登再去，为咗呢杯茶。沙嗲牛肉仙草面（$48）大家一见「仙草面」都好好奇，究竟系咩嚟㗎？系咪凉粉𠮶啲「烧仙草」之类呢？一或系「蒟蒻面」？原来「仙草面」系用鐡皮石斛榨汁，再用山泉混合而制嘅，绿绿地色，淋淋地，口感似阳春面，冇乜特别味道。沙嗲牛肉个汁甜甜地，食到粒粒花生碎，就算捞埋喺个汤到都唔会稀晒。牛肉冇筋，唔靭，够入味。