泗益

营业中

休息中

泗益系赤柱必食，同时又系中学回忆，学生哥系赤柱放饭食既野都系黎黎去去都系个3/4个🙈佢既咖央西多士出名唔洗落糖浆，同即叫即整。之前读书6年可能都只系食过一次，因为次次去唔系佢无开就系卖晒。要食都唔系咁易🙈今次12:30到，可能因为COVID无晒游客所以赤柱市集好静，即使系午餐时间，都唔洗等位。佢系无冷气既，5/6月食都还好，7/8月可望就会有点辛苦。今次我叫左西多士($30)，加冷奶茶($19)。叫完老板就即刻拎打蛋器打蛋，准备份西多。等左10分钟左右就有得食。上到台，热腾腾既，再有两片牛油系面，超邪恶。食落好多蛋味，咖央味都出既，不过真系好油，我食每口之前都要压一压佢，bit返d油走😓佢有个加分位既，就系佢会帮你切埋先上台，不过呢，佢切完都仲几大块，佢又只系比叉我，我又懒叫佢再比刀我，所以就用两只叉食😂杯奶茶我就好钟意，正宗港式奶茶，好滑，够奶又够茶味🤩👍🏼满分💯总言，系值得一试，但最好同人share份西多，如果唔系一定油死你🤭奶茶大推💕