影片
更多
2024-12-22
1207 浏览
又到星期二放假食好西系列！呢日老婆大人同我去叹食完会好开心嘅主题菜，大家估唔估到系咩呢？呢日就系去尖沙咀凯悦酒店嘅凯悦轩食虾主题嘅新菜，对于钟意食海鲜嘅我梗系开心到爆啦。坐低先嚟整个头盘香辣汁拌桂虾叹吓！呢个香辣汁做得好惹味不过对我嚟讲有啲辣，所以我食面头冇浸住汁𠮶啲就啱啱好。虾肉够新鲜食落仲好爽口，芥兰同埋青瓜比到清爽嘅感觉，食到觉得辣嘅时候可以整粒绅石榴嚟中和吓，呢个头盘真系够晒醒胃好好味呀。滕椒三葱爆虎虾味道香麻唔系好辣啱晒我食！虎虾大大只啖啖肉食得好爽皮，入面嘅葱、紫洋葱同埋京葱都系主角嚟唔可以唔食。除咗食虾之外我哋仲叫咗鸡！呢个干葱黑蒜豆豉鸡煲热辣辣最啱冬天食啦。鸡肉煮到入晒味好香口仲几滑添，最特别嘅系加咗黑蒜香甜味就更加重喇。双式剁椒蒸大海虾又黄又红又绿咁颜色靓到不得了！色彩嚟自泡椒同埋黄椒加葱花靓得嚟该会好惹味。咸咸香香辣辣嘅味道同海虾真系几夹㖞！底下𠮶啲粉丝同埋虫草花吸晒虾嘅鲜甜真系好惹味。食中餐相信好多人都会叫烧味我哋都唔例外！叫咗个叉烧同埋烧腩仔双拼嚟叹，烧腩仔个皮好脆肥瘦同调味都啱啱好质素好高。叉烧有㶶边食落去特别香口，肉质好够腍又唔会太肥好食㖞。虾汤虫草花浸菠菜
呢日就系去尖沙咀凯悦酒店嘅凯悦轩食虾主题嘅新菜，对于钟意食海鲜嘅我梗系开心到爆啦。
坐低先嚟整个头盘香辣汁拌桂虾叹吓！呢个香辣汁做得好惹味不过对我嚟讲有啲辣，所以我食面头冇浸住汁𠮶啲就啱啱好。
虾肉够新鲜食落仲好爽口，芥兰同埋青瓜比到清爽嘅感觉，食到觉得辣嘅时候可以整粒绅石榴嚟中和吓，呢个头盘真系够晒醒胃好好味呀。
滕椒三葱爆虎虾味道香麻唔系好辣啱晒我食！虎虾大大只啖啖肉食得好爽皮，入面嘅葱、紫洋葱同埋京葱都系主角嚟唔可以唔食。
除咗食虾之外我哋仲叫咗鸡！呢个干葱黑蒜豆豉鸡煲热辣辣最啱冬天食啦。
鸡肉煮到入晒味好香口仲几滑添，最特别嘅系加咗黑蒜香甜味就更加重喇。
双式剁椒蒸大海虾又黄又红又绿咁颜色靓到不得了！色彩嚟自泡椒同埋黄椒加葱花靓得嚟该会好惹味。
咸咸香香辣辣嘅味道同海虾真系几夹㖞！底下𠮶啲粉丝同埋虫草花吸晒虾嘅鲜甜真系好惹味。
食中餐相信好多人都会叫烧味我哋都唔例外！叫咗个叉烧同埋烧腩仔双拼嚟叹，烧腩仔个皮好脆肥瘦同调味都啱啱好质素好高。
叉烧有㶶边食落去特别香口，肉质好够腍又唔会太肥好食㖞。
虾汤虫草花浸菠菜劲鲜味，菠菜滑嘟嘟一啲苦味都冇，加埋个鲜味浓郁嘅虾汤真系劲好食，入面仲加咗啲弹牙嘅虫草花所以口感好好。
最尾梗系整返个饱肚嘅饭啦！呢个樱花虾酱腊味河虾炒鸳鸯饭做法好特别，用咗白米同埋糯米嚟煮唔怪得知个口感咁得意。
炒饭入面除咗腊味之外仲有好多爽口弹牙嘅河虾仁，食落好香口唔知系咪有糯米食完全身都暖笠笠正呀喂。
呢个酥皮流沙盏系老婆大人最钟意食嘅甜品，有菠萝皮又有酥皮仲要有奶黄汤丸，净系呢三样嘢就知道口感有几咁丰富，最紧要系夹埋起上嚟又真系好好味㖞。
香滑芝麻糕整得够爽口芝麻味都好够浓，食多啲希望啲头发都黑啲哈哈。
张贴
