好一鍋海鮮火鍋專門店 (已結業)

嚟到好一鍋打邊爐，揀好個花雕雞湯底之後，當然就係混一混好個醬料先，然後就點各款火鍋材料食啦。首先黎到嘅係花雕雞，雞脾用左適量嘅花雕淹左，即使係火鍋中滾好耐，仍然食到微微酒香味!接著當然係肉食嘅時間，無論係新鮮手切牛肉、定係美國肥牛，都係肉味香濃，係火鍋快滾數十秒，再點點醬油，就即係食得!海鮮方面，生蠔肥美、魷魚又夠大隻爽口、魚滑打得起晒膠、令到質感夠晒彈牙、跟著又係矜貴嘅鱔片，呢啲食材都令到我地非常滿足!最後當然係甜品時間，韓式乳酪任唧任食，味道帶點微酸，有助消化，加上提子乾同埋脆糖，賣相夠靚之外，味道仲多個層次添!