鼎爺私房菜 (已搬遷) 新店位置

自从17年刚开张时来过，仲由鼎爷亲自下厨，之后就无再来过。留意到呢度做咗C类餐厅，谂住一行六人来，试吓佢个抗疫午市套餐，不过最后都系得四人来。一星期前用whatsapp联络订枱，对话过程有啲儿戏，缺乏一般专业客户服务，未去前已经扣左少分。准时入坐，安排近大门口和厨房门口位置，环境还可以，不过厨房就有少少嘈，虽然只是开咗几年，地方有啲疲态，櫈上和墙壁都有啲污渍，厕所都麻麻，灯又坏咗，无枧液，无抺手纸。抗疫午市套餐，价钱算吸引，但系菜式比较一般，所以无期待有什么惊喜。先开壶龙井茶，茶味一般，茶色偏啡黄，味道苦涩，之后食物陆续上枱，服务都唔错，不过就赶咗啲，。头盘中鲜虾火鸭腐皮卷比较特别，味道唔错，其余嘅都系一般，三片莴笋就太薄，缺乏口感，炖乌鸡汤料足，感觉滋补，加咗$88要个干葱豆豉鸡煲，热辣辣上枱，好大烟，香喷喷，不过汁就弹到四周围，著白色衫嘅话就真系要走远少少，鸡肉唔算嫩滑，有啲老，不过鼓汁就几香口，榄菜肉菘四季豆就中规中矩，鲍汁三丝伊面就过林，几碎吓，三丝不多，可能得三小条，好似食紧即食面，最后海带绿豆沙，绿豆不起沙，海带唔爽口，仲食到一旧粉状嘅物体，成餐饭都已经无乜惊喜，一般嘅家常