灣景廳

疫情前曾经到访，今次重临，环境依旧，今次系跟一天团到访，自助午餐由12点至2点半，去到餐厅大约12点15分，目测已经坐满一半人客，平日都甘多人，唔知食物质素如何😱先嚟一碟海鲜，每款拎咗一些，有虾，青口，蚬及螺4款。虾都算新鲜，鲜甜，青口及蚬就无乜味，螺超细粒，肉质偏硬，麻麻。三文鱼都算新鲜，可以encore ，小编觉得一小碟已经够，没有encore🤪生果沙律，味道一般，反而沙律菜就唔错。熟食方面讲真真系冇乜选择，煎肠粉/萝卜糕/鸡翼/咖哩牛腩同白汁鱼柳。萝卜糕粉浆太多萝卜偏少，认真麻麻，肠粉厨师煎得过火，变咗比较硬亦都麻麻，咖哩牛腩同白汁鱼柳冇乜味道🙄姜醋之前食过好好食，但今次食感觉质素下降，猪脚也不软淋，可能浸嘅时间唔够。甜品蛋散做得不够脆口，格仔饼ok好食，蛋糕仔都唔错👍重有豆腐花，拎左半碗，都好味，不过漏咗影相。反而生果令你有惊喜好甜好食，正😋😋😋雪糕系一般牌子，偏甜麻麻。饮品就有好多种唔同嘅咖啡，可以自家制嘅冻热柠茶，小编就拎咗coffee同latte 质素OK。