Rakuraku 樂拉麵 (康怡廣場北座) (已結業)

之前见到康怡开左间新日式餐厅，一直都想黎试下。今次平日黎食dinner，唔洗等位即刻有得入。见到餐牌有石锅龙虾汤叉烧泡饭($72)，好似好吸引咁，决定试下。估唔到一落完单无耐野食已经即刻送到，快到我同个fd都吓左跳。个石锅睇落好似好满，不过分量其实都唔多。有一片叉烧腩，食落基本上都系肥膏。其他仲有啲叉烧粒，不过始终都系麻麻日式叉烧，觉得颇干。至于个饭，一开始见餐牌写泡饭以为系汤饭咁浸喺啲龙虾汤度。点知食落只系一个好普通嘅饭，系干身完全无汤，而且龙虾味一啲都食唔出。觉得都几失望，虽然唔系话好难食，但系完全同佢个名不符，觉得有啲中伏感觉。如果系见到龙虾汤被吸引嘅，建议可以唔洗叫依个饭。