影片
更多
2013-10-20
591 浏览
一家人去咗九龙城开餐！爸爸之前赞过「江南美厨」啲嘢好食，我同老公当然要睇吓系咪真系咁好啦！餐厅环境唔错，我哋九个大人加一个BB获安排喺玻璃房内用餐，坐得几舒服！只系……洗手间太少厕格……唔记得影餐前小食，九个人，有三小碟前菜(每碟$10)，其中两碟系花生，一碟系菜莆。我一向钟意食菜莆，呢碟腌得唔错，唔怕太咸，我都食咗唔少，如果将其余两碟花生换埋做菜莆就好喇，嘻。叫咗以下嘅嘢﹕砂窝云吞鸡 ($108/半只)﹕碗汤味道普通，饮唔到咩鸡味，云吞亦唔见得好滑……食过合江小镇嘅云吞，更觉其他地方做嘅只系一般水准……花雕醉鸡 ($50)﹕酒味颇重，但又唔会觉得好苦，算系唔错，略嫌只鸡唔够嫩滑。鸡丝粉皮 ($48)﹕味道ok，其实呢道菜好难整得难食。镇江肴肉 ($48)﹕一睇卖相已经扣哂分，啫喱部份完全唔得晶莹剔透，食落感觉好实……蒜泥白肉 ($48)﹕睇落去好似好多咁，其实下层铺满粉皮。至于味道，只属普通。南翔小笼包 ($28)﹕叫咗两笼，味道一般，我那一件唔知点解一早已经被刺穿，所以冇乜汤汁可言……但只谈馅肉，呢到都只系一般，食唔出有咩出色之处。担担面 ($30)﹕叫咗一碗唔辣同一碗中辣，唔太食
唔记得影餐前小食，九个人，有三小碟前菜(每碟$10)，其中两碟系花生，一碟系菜莆。我一向钟意食菜莆，呢碟腌得唔错，唔怕太咸，我都食咗唔少，如果将其余两碟花生换埋做菜莆就好喇，嘻。
叫咗以下嘅嘢﹕
砂窝云吞鸡 ($108/半只)﹕碗汤味道普通，饮唔到咩鸡味，云吞亦唔见得好滑……食过合江小镇嘅云吞，更觉其他地方做嘅只系一般水准……
花雕醉鸡 ($50)﹕酒味颇重，但又唔会觉得好苦，算系唔错，略嫌只鸡唔够嫩滑。鸡丝粉皮 ($48)﹕味道ok，其实呢道菜好难整得难食。
镇江肴肉 ($48)﹕一睇卖相已经扣哂分，啫喱部份完全唔得晶莹剔透，食落感觉好实……蒜泥白肉 ($48)﹕睇落去好似好多咁，其实下层铺满粉皮。至于味道，只属普通。
南翔小笼包 ($28)﹕叫咗两笼，味道一般，我那一件唔知点解一早已经被刺穿，所以冇乜汤汁可言……但只谈馅肉，呢到都只系一般，食唔出有咩出色之处。
担担面 ($30)﹕叫咗一碗唔辣同一碗中辣，唔太食得辣嘅我，完全唔敢掂中辣𠮶碗，只食唔辣。呢碗担担面系我食过最难食嘅！首先，我唔知正宗担担面应该系点，但我未食过咁粗嘅担担面，我真系忍唔住要对嘅正宗式存疑。其次，啲面煮得好鬼淋，淋到有啲过份，加上啲面又粗，好似食紧一pat嘢落肚咁……就连个汤底都好 一般，呢碗嘢收成$30，绝对唔值！蒸银丝卷 ($18)﹕我冇食过，不予置评喇。
上海粗炒 ($62)﹕冇食到，所以又系不予置评喇。
茄汁虾仁锅巴 (其实唔太记得个名，更加唔知价……)﹕锅巴整得好脆，我细佬好钟意食，我就因为个人口味，唔太喜欢佢炸到万年油味都食到咁滞……至于个sauce，sorry，唔系我杯茶，我唔觉得好食……
樟茶鸭 ($98/半只)﹕爸爸激赞嘅一道菜，的确呢到嘅樟茶鸭唔会好似其他餐厅咁整到干哂柴，鸭肉juicy之余，又唔会又淋又霉，有咬口得嚟又不会韧，口感一 流！只系……作为樟茶鸭，佢嘅茶味却严重不足！唔好提食落冇茶味，反正好多餐厅都系闻到食唔到，呢到就惨到连闻都唔太闻到茶味……严格嚟讲，佢都唔太算系樟茶鸭㖞！
云腿扒津白 ($78)﹕Menu明明影咗八块厚切云腿，但上枱只有三小块，仲要系薄切……味道就正常啦！
上海菜饭 ($20)﹕叫咗四碗，虽然多油到咩咁，但我都食哂成碗，冇办法，我一向爱吃菜饭。
豆沙锅饼 ($30)﹕我同拾爷都好唔buy佢个皮！又煎又炸后，唔脆之余，仲要又厚又硬……高力豆沙香蕉 ($32)﹕味道唔错，好够热，又唔会太甜。
小心流沙包 ($24)﹕果然好流，但唔系流沙，系流水……睇相以为好足料，其实面包皮好厚，咁都算，讲明系流沙，但食落好水啰……唔够「杰」，唔够沙㖞……><埋单$1153，我同老公都唔明点解爸爸上次食完激赞，我哋只觉得呢到好普通，系普通到唔会有意欲再番嚟帮衬。
张贴
