神石燒牛扒水產專門店 (淘大商場1期) (已結業)

事缘系咁的，今日谂住圣诞节食返好啲嘅中午套餐。咁就带咗个寿喜烧A5鹿儿岛和牛食，咁佢呢间餐厅呢就有沙律，啲汤同埋白饭任食嘅。啲嘢食到一般般。但系卫生环境就好一般，所以我都唔系好明，点解佢咁多好评。又或者可能系我嘅寿喜烧特别差。咁我问过啦图片上面嘅寿喜烧呢同埋人哋食评上面嘅寿喜烧，差天共地，咁我加咗两只广岛蚝，劲细只。食完落口终于忍唔住，希望大家唔好中伏。平时我都唔会打食评，但系今次就真系忍唔住要同大家分享。佢𠮶寿喜烧汤底又淡，佢所谓啲鹿儿岛A5和牛，完全冇牛味，卖相又差，同啲打手啲完全唔同(多图自己睇)。大约$380埋单，但系佢完全唔值呢个价钱，连$100都比多佢，有时有机会其他火锅店仲好食过佢。大家唔信嘅可以一试。又或者系寿喜烧特别差铁板烧比较好味挂。真系唔知，不过觉得自己可以侥幸逃过一刧，可以不妨试一试。