意粉 360 (已結業)

上个礼拜黎左呢度食lunch，都算好多选择。又唔算太贵，午餐时间又唔算多人，坐得好舒服。忌廉蘑菇汤其实都几好饮，不过有种好似唔知边度饮过既味道。脆炸一口猪呢个系优惠券送既，味道唔错。炸得好香口，细细旧既猪柳配上沙律酱真系好夹。不过有两旧猪柳就韧左小小。带子海鲜石头锅饭呢个又几好食，个汁系忌廉汁。带子同海鲜既份量都几多。又有红椒、黄椒整到个饭好睇。忌廉汁好浓味，饭都唔错既。而饭焦都有几多，仲夹埋小小芝士，系一个几好食既石头锅饭。玫瑰软滑冰几得意既特饮，好香玫瑰味。又有小小奶味，好有软滑冰既feel。杯饮品又唔算太甜，饮得过既。野食真系唔错，服务都几好架。成日帮人加水，效率又高。价位又唔高，实有下次既。