影片
更多
2021-11-10
564 浏览
对上个周末经开呢间小店，甘啱未够钟搭车，见到个招牌就口痕，事关我实在太钟意食墨丸啦！正所谓「汉皇重墨思靓丸，寻找经年求品质」。点左一碗净墨丸，对主角满意——感觉真系食紧墨丸，唔系粉丸，仔细品尝，好弹牙，用料足，感觉啖啖都有墨鱼，细嚼慢咽，到有淡淡的墨丸香味，似乎有马蹄，但唔系好明显𠮶种爽口。味道唔太咸，又唔似落好多味精，起码返到屋企唔口渴。配菜有几条芽菜，一匙羹葱粒，五粒丸，买单43蚊，主观讲句系太贵。以前食过（黄金时期的）翠华、文辉、离岛勿丸，依家日日食紧香港仔鱼蛋王师傅打嘅墨丸，品质都好好，但系价钱就平过呢间一截。可能系因为湾仔铺租实在太贵？
点左一碗净墨丸，对主角满意——感觉真系食紧墨丸，唔系粉丸，仔细品尝，好弹牙，用料足，感觉啖啖都有墨鱼，细嚼慢咽，到有淡淡的墨丸香味，似乎有马蹄，但唔系好明显𠮶种爽口。味道唔太咸，又唔似落好多味精，起码返到屋企唔口渴。配菜有几条芽菜，一匙羹葱粒，五粒丸，买单43蚊，主观讲句系太贵。以前食过（黄金时期的）翠华、文辉、离岛勿丸，依家日日食紧香港仔鱼蛋王师傅打嘅墨丸，品质都好好，但系价钱就平过呢间一截。可能系因为湾仔铺租实在太贵？
题外话/补充资料：
呢个世界冇完美几乎系金科玉律，果然！问句「系唔系加咗马蹄？」，阿姐冷冷问返我「咁你系咪食到马蹄？」再问多一句就换来更不屑嘅回应同表情。我知阿姐你常识丰富，所以一般嘅问题亵渎左你🥺
如果服务态度好啲我一定再帮衬。
(以上食记乃用户个人意见 , 并不代表OpenRice之观点。)
张贴