影片
更多
2009-11-10
9 浏览
为左呢间餐厅，我决定开个 account，帮佢地打打气 .......今日谂住趁 weekend 食餐丧既，咁一心谂住去食buffet 啦，咁呢排我有中左韩国毒，咁就谂住去旺角食汉阳苑啦 ........点知我地受到不公平既对待，我上去既时候一个人都无，但系佢地就要我地等，等无所谓，点知，眼见后黎既四人、八人、再四人，到最后既十一人都入得去，咁点解容纳唔到我地两个呢 ? 我地咪走去同佢地理论啦，答案系：人地订左枱架，有既尽快比你地入啦 ........ 下 ? 我明明听住个十一个人问：十一个，要唔要等，有无位架㖞 ....... 既然系咁，算啦，旺角你慌无野好食呀 .......咁正当我地两个系度研究食咩好之际，我地两个不约而同谂起头先泊完车，路过果间铁板烧啦，就系咁就比我地无意中发现左呢间超正既餐厅........讲个秘密比大家知啦，不过讲出黎唔好笑㖞，我咁大个女都未食过铁板烧架，唔知会唔会食到成身味 ? 同埋会有好多油烟架呢 ?(答案系：绝对唔会，有无留意个铁板有抽烟系统架!)入到去，佢地本身安排我地坐普通枱，但系黎得食铁板烧，睇电视都系左 bar 枱架啦，所以我地就选择左坐 ba
今日谂住趁 weekend 食餐丧既，咁一心谂住去食buffet 啦，咁呢排我有中左韩国毒，咁就谂住去旺角食汉阳苑啦 ........
点知我地受到不公平既对待，我上去既时候一个人都无，但系佢地就要我地等，等无所谓，点知，眼见后黎既四人、八人、再四人，到最后既十一人都入得去，咁点解容纳唔到我地两个呢 ? 我地咪走去同佢地理论啦，答案系：人地订左枱架，有既尽快比你地入啦 ........ 下 ? 我明明听住个十一个人问：十一个，要唔要等，有无位架㖞 ....... 既然系咁，算啦，旺角你慌无野好食呀 .......
咁正当我地两个系度研究食咩好之际，我地两个不约而同谂起头先泊完车，路过果间铁板烧啦，就系咁就比我地无意中发现左呢间超正既餐厅........
讲个秘密比大家知啦，不过讲出黎唔好笑㖞，我咁大个女都未食过铁板烧架，唔知会唔会食到成身味 ? 同埋会有好多油烟架呢 ?
(答案系：绝对唔会，有无留意个铁板有抽烟系统架!)
入到去，佢地本身安排我地坐普通枱，但系黎得食铁板烧，睇电视都系左 bar 枱架啦，所以我地就选择左坐 bar 枱啦，咁佢地都相当欢迎 .........
入到黎唔知食咩好，见佢有个 set，$138 几抵㖞，仲要四道菜都系二选一，咁就唔好烦，就两set 每样一个，咁就试得晒啦........
餐具几咁精致，仲要差不多食一味，佢地就同我地换碟啦，今时今日有咁既服务态度呢...... 真系超一流呀.......
先黎个前菜：冻豆腐
两个都系一样既沙律 .......
本身个set定左系食三文鱼刺生(四件) or 三文鱼寿司(四件)，咁我地两个都唔食三文鱼，咁我地问佢可唔可以转啦，佢话得，不过就少一件，但系换返黎既系油甘鱼同剑鱼腩㖞，仲想点呀，贵价野㖞，仲要好新鲜，好大件好正呀......
主菜一 ( 其中二选一 )：牛油带子
主菜一 ( 其中二选一 )：系鹅肝呀....... 入口就化，又香又滑 ........ ( 我地仲回想起我地两个当年第一次食既有几难食，就系佢令到我地咁多年都怕左食，近排先发觉系咁好味架 ! )
咁呢个就系自己 order 既羊架，事关我真系好钟意食羊架，呢个羊好香又有羊既"骚"味，超正呀 .......
主菜二 ( 其中二选一 )：西冷牛扒 ........ 连上面既蒜片都系系你面前即整架，好香牛味，好软，好 .........
主菜二 ( 其中二选一 )：薄烧牛 ....... 内有干坤架 ........ 入面仲要卷主 d 料架 ......... 唔好谂住佢咁薄就会无咁好食，咁你地就错啦，佢都系好香，好有牛味，好 ........
主菜三 ( 其中二选一 )：炒杂菜 .........
主菜三 ( 其中二选一 )：炒菇菇 ........
主菜四 ( 其中二选一 )：手打乌冬 ........ 起初见佢条蟹柳白雪雪以前唔多好味，但系我真系唔多食过蟹柳有佢咁有蟹味架，手打乌冬就更加唔洗多讲啦 ........
主菜四 ( 其中二选一 )：炒饭 ........ 用头先块西冷切出黎既肥糕，再煎d 油出黎炒，所以连d 饭，粒粒都有牛肉既香味架 ........
由于个鹅肝实在太好味喇，食过返寻味，所以我地决定"安歌" .......
唯一我地评论唔到既，就系呢碗我地唔饮既面豉汤，唔系话佢唔好饮，只系我地两个都真系唔饮架啫 .......
我地食都七七八八啦，其中一个师傅好礼貌咁问我地：够唔够呀 ? 咁我地都以为人地巡例问下啫，点知佢原来系话想请我地食既串烧牛舌㖞，咁请既就更系食啦 ........ 好爽，好香，好 ........
其中有枱人食完个炒日本紫心蕃薯之后，不停咁话好好味，所以我地都叫埋一份，试下系咪真系咁好食啦 ....... 结果就真系 ........
咁我地食食下碟蕃薯，我就同加蛋倾下架，讲下由钱老师讲比我听既黄子华笑话，倾倾下，师傅又走埋黎话：你地唔饮酒架 ? 我地就话唔系啦，咁佢就话：食呢 d 香口野，又点可以唔用酒送架，我请你地饮啦 ........
结果，佢仲要好细心咁话，男士要揸车，饮少 d 啦，咁我地都谂住请得既都系细细杯啫，点知 ........ 用料十十足，左边：加蛋既清酒梳打，右边：我既梅酒梳打 ........
系师傅调酒既过程，我地碟蕃薯已经食得七七八八啦，结果师傅又好好人咁送多碟比我地㖞，哗 ........ 真系细心到呢 ........
其实呢碟蕃薯，系事先将蕃薯切薄片，再用180度火炸好，食之前先系铁板到炒热，真系好用心整架 ........
最尾，我地埋单走人啦，佢地都要留住我，话要请埋我地食甜品先得㖞 ........
其实加蛋话斋，食野原来系可以咁享受，虽然成个过程食左差不多成三个钟，但系真系好开心，好好味 ........
不过我要补充既系，成晚连埋我地两个都系得三枱客，唔知系咪无咩客，所以先有咁既服务态度下 ........
原来呢间系隔壁金水寿司老板开既高档少少既，开左只系有三个礼拜咋 ......
我谂大家都好想知，我地咁食法，食左几多钱呢 ?
以前成日听朋友讲食亲铁板烧都过千，所以成日都觉得会好贵，但系今晚，我地咁食法都系盛惠：$555 咋，我地两个都觉得绝对系物超所值，我地绝对会系不久既日子再返黎架 .......
不过我谂我今餐咁食法，我之前果六磅都系冻过水啦 .......
张贴
