老厝邊

营业中

休息中

台湾人主理既餐厅，餐厅装饰别出心栽，而且好有台湾feel，侍应讲台语添。menu清晰，而且劲多款台湾小食，比起同类餐厅，价钱亲民，仲要食物好好食。晚市7点半左右，walkin好彩即刻有枱，餐厅已经full哂。叫左薯饼蛋饼($30)，大肠面线(小$28)，卤肉肉干拌面($38)，青蛀下蛋($24)，古早味冬瓜茶($18)。蛋饼必叫，因为味道同系台湾食既几乎一样。蛋饼皮口感少少烟韧，唔会过厚。而且热辣辣即整，份量仲要好足添。每件蛋饼入面斩夹住香脆薯饼，仲有拉丝芝士。加埋旁边既酱汁，就冇咁腻。食2件已经有饱肚感。小份既大肠面线其实都几大碗，一个正常食量既女仔都未必食得哂。大肠卤得入味，而面线量多，味道唔会过咸。点选既食物入面，拌面就有少少逊色，味道淡dd，肉干量唔算多，拌完可能唔觉有肉干。有d挂住台湾既青蛙下蛋，所以叫左一杯饮下。粉圆烟韧，份量多。而冬瓜茶清爽，消暑一流。整体，有好多小食可以叫，食小食都饱，因为太多选择。而且价钱仲要唔贵添呀。