影片
更多
2017-09-30
738 浏览
5人行盛八75品烧肉放题，每人$298 +$1服务费 总共$1639。上网见盛八好似唔错，于是决定一家5口去试一试水温，即日订左星期五7:30时段。打电话订位既时候心谂点解接听电话果一位既态度可以咁差......仲话只收现金，咁算啦，我地都系为左食好野，好食就得啦。当晚7:10分早到左，人未算多，即时就入座计时，成个气氛好怪，包括服务员既语气同埋店内既灯光昏暗，我已经feel到伏味，坐低之后服务员完全没行过埋黎，算啦唔浪费时间我同啲屋企人就开始叫野啦，最奇怪既系当时完全没人问过我地系食75品/90品，当我地亲身行出去交完第一张张点餐纸之后就再行出去问，没错系行出去，因为啲人根本唔系系我地既视线范围，咁既气氛真系搞到大家好唔舒服。问既时候佢竟然系答''咁你地系选边个''，好似错既系我地，然后送第一轮野食黎既时候就话我地张纸写既有d系90品先可以叫....其实如果我地如果没问又真系唔小心叫到90品既野食，咁结果咪要硬食个贵价钱.....话哂比300旧水竟然点解会系咁既待遇，咁既质素真心仲差过汉阳苑。至于食物（75品），海鲜种类少得可怜，叫极都系蛤同鱿鱼须，d恰又烧十年都未开，霸哂个炉既位，
上网见盛八好似唔错，于是决定一家5口去试一试水温，即日订左星期五7:30时段。打电话订位既时候心谂点解接听电话果一位既态度可以咁差......仲话只收现金，咁算啦，我地都系为左食好野，好食就得啦。
当晚7:10分早到左，人未算多，即时就入座计时，成个气氛好怪，包括服务员既语气同埋店内既灯光昏暗，我已经feel到伏味，坐低之后服务员完全没行过埋黎，算啦唔浪费时间我同啲屋企人就开始叫野啦，最奇怪既系当时完全没人问过我地系食75品/90品，当我地亲身行出去交完第一张张点餐纸之后就再行出去问，没错系行出去，因为啲人根本唔系系我地既视线范围，咁既气氛真系搞到大家好唔舒服。问既时候佢竟然系答''咁你地系选边个''，好似错既系我地，然后送第一轮野食黎既时候就话我地张纸写既有d系90品先可以叫....其实如果我地如果没问又真系唔小心叫到90品既野食，咁结果咪要硬食个贵价钱.....话哂比300旧水竟然点解会系咁既待遇，咁既质素真心仲差过汉阳苑。
至于食物（75品），海鲜种类少得可怜，叫极都系蛤同鱿鱼须，d恰又烧十年都未开，霸哂个炉既位，牛肉就食黎食去都系差唔多味道，除左牛舌系唔同质感，所有野既味道都偏淡.....我地5个人围住一个炉，又没抽气，真系焗到要拎芭蕉扇出黎吹。烧黎烧去都系几块肉最后我地决定丢哂落去用炒既方式😓，真系心谂不如比个镬我地好过，个炉细到阿妈都唔认得，烧十年都回唔到本啊，仲要系5个人一齐用......
我地全家都系第一次食盛八，我细佬一路食一路话仲差过喜来稀，唔会推介盛八比friend，到叫左个豆腐雪糕既时候仲好讽刺咁话成餐最正常系个雪糕，盛八烧肉应该改做盛八豆腐雪糕🙄
店内全部系男侍应，个个都一系染哂发一系纹哂身好似要去劈友咁既款，普遍态度恶劣.....食完盛八我又再一次对网上既食评失去信任，网络世界到底仲有咩系真实🤦🏻♂️
总结黎讲，唔会再帮衬👋🏻
张贴