影片
更多
2023-02-28
770 浏览
之前去环保大道宠物公园放完狗都会带埋只狗一齐去呢度食饭，差唔多每个月都会去一次，平时都系7点前就去到所以唔使等位，但就算食完走都唔见佢坐满，所以今日(26/Feb)去到都冇乜嘢，但佢一攞个menu嚟，完全呆咗，以为佢俾错tea time menu，但再睇个价钱就知唔系，平时最钟意叫嘅汉堡包一款都冇(之前有4款)，咁就叫咗三样嘢：pizza、carbonara、同斧头猪扒跟南瓜蓉。当个pizza嚟到，真系X咗声，个pizza系用超市买𠮶啲发泡胶碟放住，个size就系咁大…收成百几蚊…之后上个carbonara，用快餐店𠮶啲焗嘢嘅锡纸兜装，仲要只系半满…收成百几蚊…之后到个斧头扒，用细过KFC嘅纸盒装住，个size仲细过茶餐厅猪扒面块猪扒…个南瓜蓉用酱汁兜装，仲要半满…收成二百几蚊…而狗狗餐，由之前4款(pizza、汉堡包、炸鸡薯条、牛扒)，变成相中嘅唔记得咩蓝莓鸡肉鲜食…突然由80分跌到8分，除咗准备执之外我揾唔到另一个理由同日见到隔离枱一行九人一狗应该系帮只狗庆祝生日，听到个人问店员系咪得呢个menu，应该失望到核爆
同日见到隔离枱一行九人一狗应该系帮只狗庆祝生日，听到个人问店员系咪得呢个menu，应该失望到核爆
15 浏览
0 赞好
0 留言
张贴
