天丼てんや

营业中

休息中

新冠疫情底下，相信大家都好挂住日本嘅美食。之前听朋友讲话青衣城开咗一间好好食嘅丼饭。今日就特登搭车过去试吓。我哋两个人去食，叫咗佢嘅巨星天丼，同埋穴子海老天丼。首先讲吓佢嘅巨星天丼，如果你系第一次食嘅朋友，我会极度推荐，因为可以一次过满足晒你所有愿望，食到呢间舖头出名嘅嘢食，包括：天妇罗虾、天妇罗紫菜、天妇罗四季豆……总之咩都有。食得出佢啲虾系新鲜即整嘅天妇罗，第一啖食落去已经充满惊喜，虾嘅鲜味齿颊留香。而且配埋佢独有嘅天妇罗汁，令到虾嘅鲜味层次更上一层楼。另外讲吓佢嘅穴子海老，穴子根据佢餐牌上嘅说明，系一种体积较为细小嘅鳗鱼，虽然系咁，可能由于体积细嘅关系所有嘅鲜味都浓缩系佢身体入边，令到鱼嘅味道好浓郁，再加埋佢嘅虾同样都系咁出色，包你食过返寻味。今次仲特别试咗佢嘅苹果汁，佢苹果汁嘅味道好浓郁好似一啖入边食咗10个苹果咁浓郁。而且又唔会太甜虽然苹果味充足但系只限于味道，而唔系甜嘅味道。所以呢间餐厅值得再试，相信一两个星期之后，我又忍唔住会搭多一两个钟头车去青衣再试。