平成 (已結業)

今晚同朋友喺尖沙咀食完饭，想揾个地方倾下计，又唔想食甜品，朋友就建议黎呢间居酒屋，有得「啤一啤」之余仲有d串烧食～地点都非常方便，就喺一兰拉面嘅隔离，我地叫左烧猪腩肉串同烧鸡翼串，调味唔错👍🏻亦烧得好香口，送酒一流～另外仲叫左一个明太子炒杂菜同广岛蚝芝士蛋饼，炒杂菜超好食，唔会太干又唔会太湿，加上明太子嘅咸香好惹味😋同埋喺出面无食过嘅广岛蚝芝士蛋饼，广岛蚝份量唔少，而且只只都系新鲜饱满嘅，钟意食蚝嘅人士一定好钟意👍🏻再加上无敌嘅芝士同蛋，真系无得输！总括嚟讲呢度地点方便，食物唔错，选择亦都好多，又可以饮下啤酒，食完饭除咗食甜品之外，去居酒屋同朋友嚟chill一chill真系一个唔错嘅选择👍🏻