影片
更多
2024-04-14
4223 浏览
年头去台湾时已经食过筑间打边炉，系当地好受欢迎 。意外地竟然插旗黎香港开酸菜鱼先，而唔系火锅 。可能知道香港人太钟意食酸菜鱼 😂 。今次我系睇中嘉义砂锅鱼所以黎试，香港好少地方有，但睇台湾节目就形容到砂锅鱼好好食 。好彩餐厅嘅鱼系分咗大、中、细份量，想试两只味就叫两个细都OK 。🍲 嘉义砂锅鱼原来系以沙茶酱为底，整体味道好重口味，系香浓沙茶香但唔辣嘅 。有别于酸菜鱼用鱼片，呢一度系用炸过嘅鱼块 。开头趁热食嘅时候鱼皮仲系带脆，鱼肉厚实嫩滑，不过就会有啲骨，唔系啖啖肉 。配料方面有红萝卜、娃娃菜、炸过嘅鹌鹑蛋、金菇等。始终呢款比较重口味同油，建议几个人share一个细嘅砂锅鱼都OK，跟住叫吓其他口味嘅鱼食 。🍲酸菜鱼手机点餐冇得拣辣度，default嘅酸菜鱼系台妹style—好温柔 。佢同平时大陆style酸菜鱼唔同，整体口味平衡啲同埋食落舒服，唔会太酸或者太辣，系襟食嘅酸菜鱼 。配料方面有宽粉、金菇、腐竹、木耳等 。💡净系比较鱼嘅话，成餐饭食完总结出比较钟意酸菜鱼，无咁腻可以食多啲 。食台湾嘢点可以冇炸物，叫咗个炸甜不辣同埋盐酥鸡 。甜不辣份量相当多，炸到外皮脆，中间系烟靭，好食 。盐
今次我系睇中嘉义砂锅鱼所以黎试，香港好少地方有，但睇台湾节目就形容到砂锅鱼好好食 。好彩餐厅嘅鱼系分咗大、中、细份量，想试两只味就叫两个细都OK 。
🍲 嘉义砂锅鱼
原来系以沙茶酱为底，整体味道好重口味，系香浓沙茶香但唔辣嘅 。有别于酸菜鱼用鱼片，呢一度系用炸过嘅鱼块 。开头趁热食嘅时候鱼皮仲系带脆，鱼肉厚实嫩滑，不过就会有啲骨，唔系啖啖肉 。配料方面有红萝卜、娃娃菜、炸过嘅鹌鹑蛋、金菇等。
始终呢款比较重口味同油，建议几个人share一个细嘅砂锅鱼都OK，跟住叫吓其他口味嘅鱼食 。
🍲酸菜鱼
手机点餐冇得拣辣度，default嘅酸菜鱼系台妹style—好温柔 。佢同平时大陆style酸菜鱼唔同，
整体口味平衡啲同埋食落舒服，唔会太酸或者太辣，系襟食嘅酸菜鱼 。配料方面有宽粉、金菇、腐竹、木耳等 。
💡净系比较鱼嘅话，成餐饭食完总结出比较钟意酸菜鱼，无咁腻可以食多啲 。
食台湾嘢点可以冇炸物，叫咗个炸甜不辣同埋盐酥鸡 。甜不辣份量相当多，炸到外皮脆，中间系烟靭，好食 。盐酥鸡就系店员力推，结果都冇失望嘅，中间鸡肉仲系好嫩滑，仲有炸九层塔，都算系有完整还原台湾味道。
特别值得一提嘅系炸物嘅底部有啲生洋葱，可以解腻，都几贴心。
🍥柚香萝卜
上菜时店员话我哋好识拣，因为萝卜系自己腌嘅 。淡淡柚子香配埋酸爽嘅萝卜，好啱食炸嘢同砂锅鱼嘅时候解腻 。
🧋柠檬红茶
虽然冇得调整甜度，只可以少冰 ，两位饮开走甜嘅都觉得尚可接受 ，茶味都算香浓，但希望迟啲有得走甜 。
🍨红豆仙草
仙草质地比较挺身，有仙草嘅甘味，适合食完炸野要下火嘅感觉 。
整体全部嘢都唔错，咁多野食埋单都系400几 。难得佢有细份鱼嘅选择，下次行过一个人食都得 。
张贴
