二把手

营业中

休息中

是日同朋友见到社交平台广告介绍依间主打$10串烧，咁就试下，地点系巷仔入面但唔算难揾。Book左8点早到左都可以入黎，铺仔细细唔算多位，坐位都唔系太舒服有d逼。waiter 服务几好唔似楼上讲到咁差？咁酒精饮品就半价都ok平过出面HH, 叫左杯梅酒$68 （半价$34）。野食黎讲有分唔同价位，最平$12串起，但$27楼下既串烧要两串起咁叫，所以你系要$24咁叫，由于依个关系，贵d既我地都系叫一串试下咩环境先。我地两个人叫左大约30串左右，佢上得好快，快到食唔切然后有d野涷左，完全享受唔到慢慢食。初初上既基本野都觉得系ok既（始终十几蚊串唔好expect佢好出色）但系慢慢越食，就觉得真系好普通，有d直头可以用难食形容🫠 调味好一般，全部都系用同一种调味粉。到埋单，两个人食左9百几？依个价钱既话、咁其实有大把好好多既选择，所以唔会再黎。