影片
更多
2021-12-07
369 浏览
首先讲下铺头空间先，可能面门比较细所以每次人流比较多少少既时间就会比较逼，一逼就比较乱，同埋啲顾客㨂面包同俾钱排队果阵永远都系同一个方向逼埋一齐。依样问题应该好多顾客都会感受到🙂另外想讲下店铺员工嘅服务，其实真系大部分嘅员工态度麻麻地，特别系企系收银柜嘅员工，好似愈见到多客人排就愈做得慢，慢慢同你将啲面包入袋呀又慢慢收钱呀，明明你有两个收银柜点解唔开放埋另一个去做收银，人手唔够? 但我有见过你地啲员工就咁企左系收银位，永远都搞到大塞车条队又愈黎愈长，甚至见过有客人问有无人收钱，员工态度都系麻麻地仲有啲差覆返个客话: 依到啰～咪收紧钱啰～除左女老板落黎睇场做收银果阵做得快啲之外，其他职员都系慢条斯理，唔知老板有无帮过员工做培训特别系元朗店 (我无帮衬过其他分店所以都唔清楚系咪一样情况)，我又唔想将你地边个员工服务差贴佢地个样上黎公开讲个员工点点点，希望老板会正视下元朗店整体嘅质素 (你见3间分店系openrice既评论就知唯独元朗店啲人都系提及服务质素问题)，唔系迟早搞死自己，虽然我知你地唔休生意额，但系质素同样都好重要。另外就系我想问你地社交平台系咪唔会睇信息? 我留亲信息都无人跟进，
依样问题应该好多顾客都会感受到🙂
另外想讲下店铺员工嘅服务，其实真系大部分嘅员工态度麻麻地，特别系企系收银柜嘅员工，好似愈见到多客人排就愈做得慢，慢慢同你将啲面包入袋呀又慢慢收钱呀，明明你有两个收银柜点解唔开放埋另一个去做收银，人手唔够? 但我有见过你地啲员工就咁企左系收银位，永远都搞到大塞车条队又愈黎愈长，甚至见过有客人问有无人收钱，员工态度都系麻麻地仲有啲差覆返个客话: 依到啰～咪收紧钱啰～
除左女老板落黎睇场做收银果阵做得快啲之外，其他职员都系慢条斯理，唔知老板有无帮过员工做培训特别系元朗店 (我无帮衬过其他分店所以都唔清楚系咪一样情况)，我又唔想将你地边个员工服务差贴佢地个样上黎公开讲个员工点点点，希望老板会正视下元朗店整体嘅质素 (你见3间分店系openrice既评论就知唯独元朗店啲人都系提及服务质素问题)，唔系迟早搞死自己，虽然我知你地唔休生意额，但系质素同样都好重要。
另外就系我想问你地社交平台系咪唔会睇信息? 我留亲信息都无人跟进，我想反映下Bagel啲质素呀，有无人觉得同初初开舖果阵个size比，依家细左好多特别系啲受欢迎嘅口味，就黎同包tempo纸巾一样咁大啦。
舖头到现时为止仲未有切包服务，希望快啲会增加。
最后就讲下我试过嘅面包产品:
*以下食评为当日购买为准*
- Bagel (蓝莓乳酪, 抹茶麻糬, 南瓜, 芋泥, 伯爵茶麻糬, 朱古力红莓, 紫菜香蒜肉松芝士, 擂沙芝麻, 北海道芝士)
最推荐排名: 蓝莓乳酪 / 紫菜香蒜肉松芝士 > 北海道芝士 > 擂沙芝麻 > 抹茶麻糬
啲馅都足料嘅 面包本身都有咬口 焗翻热佢食就最正，紫菜香蒜肉松芝士同擂沙芝麻就最有惊喜可以再返兜，抹茶麻糬够浓甚至有人觉得可能有少少偏苦，另外其他口味都系偏甜 (特别系伯爵茶麻糬 第一次买依只口味被佢冲击到我唔敢买其他口味)，其他就无咩特别所以唔特别讲
- 特浓抹茶拿铁麻糬小吐司
听讲依款系招牌 (?)，我觉得食落都好足料呀好饱肚(我厚切份4片 应该可以再切薄啲 哈哈)，入面啲麻糬够软熟 就算我放左3日先清得晒成条啲麻糬都无乜变硬到，其实我都几钟意享乐嘅麻糬够软身不过我见有人就嫌佢太过流质似鼻涕，好啦 讲返个吐司先，颜色够深够晒抹茶样但个味可以再浓多少少。
- 特浓抹茶焦糖三角
超级大旧有啲似枕头$18好抵食，女仔食完一个应该整日都唔洗再点食其他野
买左返黎你近望佢会觉得同个名一样系((特浓))，甚至会觉得系咪浸过抹茶酱 因为你轻轻按佢系会有啲抹茶酱走出黎，但去到中间就唔会有酱系到。
食落外层就有啲脆 茶味浓 入面就好松软 ! 几特别嘅，但如果你之前都有买过抹茶麻糬吐司黎食，两者比较之后佢只系佢多左层脆面，可能焗后会好食啲。
- 伯爵茶司康
浓伯爵茶味，入面都湿润够厚实，食完劲饱肚 ，应该唔会返兜 可能我无焗热佢黎食觉得麻麻地
- 法国Lescure士多啤梨/杏桃酥
面头嘅生果唔酸 份量都多唔系hea，酥皮都够脆 唯一唔太喜欢中间果层cream有啲漏，买左之后最好尽快享用 淋左就唔好食
两款都可以返兜，我自己就偏向钟意杏桃酥
- 法国Lescure朱古力牛角
依款我以为啲朱古力系偏苦，原来系偏甜，睇落以为佢个包好干，但其实佢啲酥皮都好够酥，如果比我再买应该都系选择返士多啤梨/杏桃酥🙂
- 柠檬蛋糕
成日见佢切好细细件摆系收银隔离个饮品柜顶，终于买到黎试，蛋糕质地有啲湿润带少少酸 但面头果层糖霜令我觉得好甜唔钟意，依款都系麻麻地
- 黑眼豆豆
无咩特别入面系朱古力馅，细细个买比小朋友食都几好
- 芝麻/朱古力麻糬波波
都系无咩特别，出面有啲面包店可能比佢更出色
- 火腿芝士包
岩岩遇上新鲜出炉，好好味芝士好浓，仲有美乃滋系入面好邪恶!
- 椰丝包
依个都几好食 好香
- 紫薯麻糬包
又系买果阵岩岩遇上出炉，入面啲紫薯都几足料，同埋麻糬好软熟，上面都提及过我钟意依间啲麻糬所以自然会钟意依款
张贴