hoo韓國包車

营业中

休息中

hoo韩国包车系一间以韩国大排档做主题嘅韩国餐厅，店面虽然唔算特别大，但每一个角落都花左心思布置，喺度食野就真系好似去韩国街边左大排档咁，但唔同嘅系，哩度系有冷气，唔怕食到身水身汗。简单嘅折枱同胶凳，再以汽水胶架当杂物架俾客人摆袋，再加埋旁边嘅铁闸、洗衣机、衣车，就好似返左七八十年代咁，好得意，亦好啱打卡。一坐低，侍应先黎两碟韩式前菜，芽菜清爽，泡菜爽脆唔会太辣。甜辣炸鸡($158/Medium) - 炸鸡有五大件，甜辣炸鸡其实冇乜辣味，以甜味为主，甜辣酱唔会太多食到满头满面都系，炸皮几脆，鸡肉都唔会太鞋。跟炸鸡一齐上枱仲有一小碟腌萝卜，好够酸好消滞。泡菜煎饼($82) - 泡菜煎饼辣度比甜辣炸鸡辣少少，辣度大约等于小辣，煎饼厚薄适中，唔会成口粉咁，蘸埋另附嘅酱汁食都唔错。总结，野食整体唔差嘅，不过最特别都系个环境，每个角落都系打卡位。