影片
更多
2020-12-10
883 浏览
2020年12月3日 星期四天气开始转凉，终于开始感受到冬天嘅莅临，胃口都开始增大，成日都想食暖粒粒嘅食物，今晚就同老婆去到铜锣湾嘅一间居酒屋入去嘅时候店员为我哋进行全新消毒，用咗一部喷雾机，感觉好专业，令到我哋即时好放心入到去发现餐厅已经装修得好有圣诞气氛，而且好光猛，座位之间都分隔得好开，防疫意识做得好足，最特别系餐厅仲有提供露天位置，可以望到铜锣湾嘅夜景添由于预先订左位，所以一去到店员已经为我哋安排左位置，但无谂到餐牌上会写左我个名，感觉好贴心餐牌里面写低左食物既中、英、日文，方便唔同国籍既人士，而且餐牌既插图都好有心思，似系每位员工既卡通图案我地张枱旁边仲写有本日精选，就咁睇落去九款食物都好似好吸引咁，而且价钱唔算太贵，最后叫咗其中一两款，怕食唔晒点餐之后等咗一阵就有食物送到，首先系牛油果沙律伴饼干，冇谂过牛油果同饼干都几配合，食落去都几开胃，仲食咗蟹子嘅脆添之后有炸虾仔，份量都唔少，每只虾虽然细细只，不过好够鲜味同咸香，用黎送酒完全系一流跟住当然唔少得系各款串烧，先有和牛蛋卷，和牛包住成只蛋，一切开d蛋汁流晒出嚟，同牛肉好配合。另外仲有豚肉荔枝卷，荔枝嘅酸甜味正好中和左豚肉嘅
天气开始转凉，终于开始感受到冬天嘅莅临，胃口都开始增大，成日都想食暖粒粒嘅食物，今晚就同老婆去到铜锣湾嘅一间居酒屋
入去嘅时候店员为我哋进行全新消毒，用咗一部喷雾机，感觉好专业，令到我哋即时好放心
入到去发现餐厅已经装修得好有圣诞气氛，而且好光猛，座位之间都分隔得好开，防疫意识做得好足，最特别系餐厅仲有提供露天位置，可以望到铜锣湾嘅夜景添
由于预先订左位，所以一去到店员已经为我哋安排左位置，但无谂到餐牌上会写左我个名，感觉好贴心
餐牌里面写低左食物既中、英、日文，方便唔同国籍既人士，而且餐牌既插图都好有心思，似系每位员工既卡通图案
我地张枱旁边仲写有本日精选，就咁睇落去九款食物都好似好吸引咁，而且价钱唔算太贵，最后叫咗其中一两款，怕食唔晒
点餐之后等咗一阵就有食物送到，首先系牛油果沙律伴饼干，冇谂过牛油果同饼干都几配合，食落去都几开胃，仲食咗蟹子嘅脆添
之后有炸虾仔，份量都唔少，每只虾虽然细细只，不过好够鲜味同咸香，用黎送酒完全系一流
跟住当然唔少得系各款串烧，先有和牛蛋卷，和牛包住成只蛋，一切开d蛋汁流晒出嚟，同牛肉好配合。另外仲有豚肉荔枝卷，荔枝嘅酸甜味正好中和左豚肉嘅油腻感，所以食完唔会觉得太饱肚，加上不得不提串烧芝士狮子狗，咬落去食到芝士融融地，有少少拉丝，效果唔错
呢个系烧日本鱿鱼筒，鱿鱼筒已经切开一嚿嚿，食落去好弹牙，而且配既酱汁够晒惹味
仲有一份冷乌冬，乌冬既质感有咬口，唔会好腍，同一般食到既好唔同，可以encore
最后仲有呢个叫鸡先定蛋先，其实系鸡肉串拌生鸡蛋，将生鸡蛋捞埋酱汁，再同鸡肉一齐食，真系每一啖都食到鸡蛋嘅味道
冇谂过呢个价钱好似去咗日本嘅居酒屋咁，令到我越嚟越怀念返去日本嘅日子
张贴
